A Wakak na Wasiso un o Iesu Karisito o Mak i tumusi 12:37 - Nupela Testamen long tokples Kandas

³⁷ O Dewid ut i watung a Karisito lena, i anun a Labino. Ra i lenra, der tamano pepetlai?” A labino kunur na taro det gas doko ra det longoro a wasiso anun o Iesu.

A Wakak na Wasiso un o Iesu Karisito o Mak i tumusi 12:37 ပူးပေါင်းရင်းမြစ်များ

Matiu 1:23

“Tama i, a toraro ra ke inep tomo utmakai nam tu musano in tianan, ma in usus pas a nat na musano ra din watungi nam o Emanuel,” Ais 7:14 a kukuraino lena, “O God i kis tomo nam dat.”

Matiu 11:25

Una du bung ra, o Iesu i watungi lena, “Tita, ui a Labino tagun a langit ma a rakrakon bual rop. A watung ulabo pas ui, uni u munu a kum utna ri tan a kum tene mananos ma det ra det tastasman, ma u upuaso i kut, torom det ra det elar nama kum nat liklik.

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 21:45

Ra a kum lamlabino tene etabor torom o God ma a kum Parisi det longoro a kum wasiso elelar anun o Iesu, det tasmani ut lena i wasiso kut un det.

Matiu 21:46

Ra det sisio sur tu kisapi sur det in pam ukai pasi, ikut det ngaran a kunur na taro, uni a taro det nurnur uni lena i a poropet.

Luk 19:48

Ikut det lagano nuknuk taru sur tu utna ra det in pami, uni a labino kunur na taro det nem doko i sur det in longoro a wasiso anun o Iesu.

Luk 21:38

Ma una kum bung na kobot raut, a taro rop det wan toromi ubalan in noworo ina rumu na etabor sur det in longoro i.

A Wakak na Wasiso un o Iesu Karisito o Jon i tumusi 12:9

A kunur na taro tagun a taro Juda det longoro i lena o Iesu kurong i o Betani, ra det wan utong. Awu sur det wan sur det in tama o Iesu kut, det wan utkai sur det in tama o Lasarus, i ra o Iesu i sa ulaun pasi gusun a minat.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

1 Timoti 3:16

A lingmulus, o God i upuaso mulusi lena, a etowo ra dat nurnur uni i labo sakit. I lenri: O Karisito i wanpat a musano, a Tokodos na Nion i upuaso i lena o Karisito i tokodos umatan o God, a kum ensel det tama i, a wasiso puaso uni, i wan sarara torom a taro tagun a kum gapman rop, ma a susut una rakrakon bual det nurnur uni, i wan usapat ma i kis una minamar.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Tamtama 22:16

“Iau o Iesu, a tulu ru anung a ensel sur in pitar a wasiso talapor ri torom mot a taro na lotu una kum tamon. Iau in wakakorin o Dewid ma a tubunu, ma in borodo ra i talapor doko.”