A Wakak na Wasiso un o Iesu Karisito o Mak i tumusi 12:28 - Nupela Testamen long tokples Kandas

²⁸ Ara tagun a kum tene ususer tagun a Warkurai i wanpat torom o Iesu, ma i longoro i ra i wasiso tomo nama kum Sadusi. I longoro o Iesu ra i balu wakak det, ma i tingi lena, “Asi na warkurai ra i labo sakit taun det rop?”

A Wakak na Wasiso un o Iesu Karisito o Mak i tumusi 12:28 ပူးပေါင်းရင်းမြစ်များ

Matiu 19:18

Ra i tingi lena, “Osi na kum Warkurai?” O Iesu i balu i lena, “‘Gong u um doko taio, gong u pam a sakino nam tu ino anun taio o nam tu musano anun taio, gong u wolong, gong u etakun torotoro,

Matiu 23:23

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.

Matiu 5:19

Osi ra in lakai tu nat na warkurai tagun a kum Warkurai ri, ma in ususer raro a taro sur det kai det in lakai i, din watungi lena, i natino doko una matanitu sapat una langit. Ikut osi ra in mur a kum Warkurai ri, ma in ususer a taro uni, din watungi lena, i labo una matanitu sapat una langit.

A Wakak na Wasiso un o Iesu Karisito o Mak i tumusi 9:14

O Iesu tomo nama tulu nat na ususer det wanpat nisan a kum nat na ususer. Det tama a labino kunur na taro kura det tur talilis pas a kum nat na ususer, ma a kum tene ususer tagun a Warkurai kura det engaras tomo nam det.

Luk 11:42

“In laulau doko torom mot a kum Parisi. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot pam a tokodos na warkurai torom a taro ma ka mot nem o God. I wakak sur mot in pam a tokodos na warkurai torom a taro ma mot in nem o God, ma gong kai mot dumano ru in tektekene tagun a noino, sur mot in pitari torom o God.

Luk 20:39

Ra a ramano kum tene ususer tagun a Warkurai det watungi lena, “Tene Ususer, anum a wasiso i wakak doko.”