A Wakak na Wasiso un o Iesu Karisito o Mak i tumusi 12:14 - Nupela Testamen long tokples Kandas

¹⁴ Ra det wanpat toromi, det watungi lena, “Tene Ususer, met tasmani lena ui a tokodos na musano. Ko nuknuk bing un asau ra a taro det watungi un ui, uni a magiram i takai kut torom a taro rop, ma u ser ususer det una kisapi anun o God nama lingmulus. Pepetlai, i tokodos sur din pitar a takis torom a Sisa o awu?

A Wakak na Wasiso un o Iesu Karisito o Mak i tumusi 12:14 ပူးပေါင်းရင်းမြစ်များ

Matiu 22:16

Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.

Matiu 22:17

Un inanos met, asau a nuknukim? I tokodos sur din pitar a takis torom a Sisa o awu?”

A Wakak na Wasiso un o Iesu Karisito o Mak i tumusi 12:13

Det tulu a kum Parisi, ma a kum paspasan o Erod torom o Iesu, sur det in lari sur tu wasiso ra in watung tari ra det in takuni nami.

A Wakak na Wasiso un o Iesu Karisito o Mak i tumusi 12:15

Dat in pitari, o gong?” I tasman lele anundet a torotoro, ra i ting det, “Ilai ra mot nemi sur mot in lar iau? Tu mani urin sur an tama i.”

A Wakak na Wasiso un o Iesu Karisito o Mak i tumusi 14:45

Uniutra o Judas i wan torom o Iesu ra i watungi lena, “Tene Ususer!” Ra i gom a pangpagor na wano.

Luk 20:22

Pepetlai, i tokodos sur dat in pitar a takis torom a Sisa o awu?”

Luk 23:2

Ra det turpasi sur det in takuni lena, “Met pastorom a musano ri i ben raro anumet a taro. I turbat met sur gong met pitar a takis torom a Sisa, ma i warango i kai lena, i a Karisito, a king.”

A Wakak na Wasiso un o Iesu Karisito o Jon i tumusi 7:18

Osi ra i wasiso kut nama nuknukino, i nemi kut sur din ulabo pasi. Ikut iau, a nemi sur din ulabo pas o God ra i tulu ru iau urin. A wasiso nama lingmulus, ma katu torotoro i kis un iau.

A Pas anun o Pol torom a taro Rom 13:6

I mo ra mot ser pitari kai a takis torom a gapman, uni a kum mugumugu tagun a gapman det a kum tultul anun o God, ma det ser pitar anundet a nilaun una pinapam na tamtamabat a taro.

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 2:2

Ra a sa utupunuk tar mot, osi mo in ugasgas iau? Mot ut. Ikut mot in ugasgas iau pepetlai, ra a sa utupunuk tar mot?

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

2 Korin 5:16

I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Galesia 2:6

A taro ra di watung det nama kum mugumugu, ka det pukus a Wakak na Wasiso ri a warawai nami, ma ka det ubek tar lako kum Warkurai anun a taro Juda uni. Ra det a kum mugumugu o awu, ka nuk det. Umatan o God a taro rop det elar kut.

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.