A Wakak na Wasiso un o Iesu Karisito o Mak i tumusi 10:29 - Nupela Testamen long tokples Kandas

²⁹ O Iesu i watungi lena, “A inanos mot nama lingmulus: Ra taio in nan gusun anun a rumu, o gusun a kum tistisino a kum musano ma a kum ino, o gusun o nano, o gusun o tamano, o gusun a kum nutnutunu o gusun anun a piso, uni i mur iau ma a Wakak na Wasiso,

A Wakak na Wasiso un o Iesu Karisito o Mak i tumusi 10:29 ပူးပေါင်းရင်းမြစ်များ

Matiu 10:18

Ma din dat pas mot sur a warkurai sa numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det ma torom a taro ra awu sur a taro Juda.

Matiu 19:29

Ma det rop taktakai ra det sa wan gusun anundet a kum rumu, o gusun a kum tistisin det a kum musano ma a kum ino, o gusun a kum tamtaman det, o a kum nanan det, o a kum nutnutun det, o gusun anundet a kum piso, uni det mur iau, din pitar a marmar na utna lenri tandet, ma det in rakoni kai a nilaun tukum.

Matiu 6:33

Mot in sisio mugu sur anun a matanitu ma anun a tokodos na petutna, ra in tabor mot kai nama kum utna rop ri.

A Wakak na Wasiso un o Iesu Karisito o Mak i tumusi 8:35

Osi ra i maris bat anun a nilaun, in iru, ikut osi ra ke maris bat anun a nilaun uni i tagun iau ma a Wakak na Wasiso, in laun.

Luk 18:29

O Iesu i watungi tandet lena, “A inanos mot nama lingmulus: Ra taio in nan gusun anun a rumu, o gusun anun a ino, o a kum tistisino, o gusun o nano, o gusun o tamano, o a kum nutnutunu, kibino una matanitu anun o God,

1 Korin 9:23

A kum utna ri a pami sur a Wakak na Wasiso in lubung, sur in udan iau tomo nam det.

Tamtama 2:3

Mot sa taramo a ngunungut, uni mot mur iau, ma a pinimot ke ngoro, mot tur dekdek ut.