A Wakak na Wasiso un o Iesu Karisito o Mak i tumusi 10:17 - Nupela Testamen long tokples Kandas

¹⁷ Ra o Iesu i wan nanan melet, ara musano i kalabor pat toromi, i kis butkeke umatano, ma i tingi lena, “Wakak na Tene Ususer, asau ra an pami sur an rakon a nilaun tukum?”

A Wakak na Wasiso un o Iesu Karisito o Mak i tumusi 10:17 ပူးပေါင်းရင်းမြစ်များ

Matiu 17:14

O Iesu ma a tulu nat na ususer det wanpat nisan a kunur na taro, ra ara musano i wan torom o Iesu, i kis butkeke numugu nisano,

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Matiu 28:8

Der wan lakit gusun a kulam na minat. Der ngara, ikut a labino gasgas kai i los der. Der kalabor sur anun a kum nat na ususer sur der in inanos det.

A Wakak na Wasiso un o Iesu Karisito o Mak i tumusi 1:40

Ara musano, i misait nama lepra, i wan torom o Iesu, ra i kis butkeke, ma i saring dekdeki lena, “Ke ngangitin torom ui. Ra u nemi, un ulangolango pas iau.”

A Wakak na Wasiso un o Iesu Karisito o Mak i tumusi 10:18

O Iesu i balu i lena, “Sur asau ra u watung iau a wakak? Katutaio i wakak, o God sot kut.

A Wakak na Wasiso un o Iesu Karisito o Mak i tumusi 12:14

Ra det wanpat toromi, det watungi lena, “Tene Ususer, met tasmani lena ui a tokodos na musano. Ko nuknuk bing un asau ra a taro det watungi un ui, uni a magiram i takai kut torom a taro rop, ma u ser ususer det una kisapi anun o God nama lingmulus. Pepetlai, i tokodos sur din pitar a takis torom a Sisa o awu?

A Wakak na Wasiso un o Iesu Karisito o Mak i tumusi 9:25

O Iesu i tama a kunur na taro ra det kalabor tomo torom det, ra i wasiso dekdek torom a laulau na nion lena, “Ui a laulau na nion, u ngat ma u kutkut. A sakbat ui, un pirso gusun a natlik, ma gong melet mo u sisiop uni.”

Luk 10:25

Ara tene mananos tagun a Warkurai i katutur ra i lar o Iesu, ra i tingi lena, “Tene Ususer, asau ra an pami sur an rakon a nilaun tukum?”

A Wakak na Wasiso un o Iesu Karisito o Jon i tumusi 3:2

I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”

Aposel 16:30

I ben pirso pas der, ra i ting der lena, “Aru musano, asau ra an pami sur din ulaun iau?”

Aposel 2:37

Det longoro a wasiso ri, ra i so a balandet, ma det ting o Pita ma a kum aposel lena, “A kum tistisi met, asau met in pami?”

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

Aposel 9:6

Uniri, un katutur ma un nanpat utiro una tamon Damaskus, ra din inanos ui nama sau ra un pami.”

A Pas anun o Pol torom a taro Rom 2:7

Det ra det dekdek una wakak na pinapam sur o God in pitar a minamar torom det, ma in ulabo pas a risandet, ma det nem a nilaun ra ken rop, o God in pitar a nilaun tukum tandet.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

Epeses 1:18

A wararing lena in utalapor a matan a kum niomot, sur mot in tasman a utna ra dat kis langlang nama nurnur suri, ra o God i kabo pas dat sur dat in rakon pasi. A utna ra dat a taro anun o God, dat in rakon pasi, i labo sakit ma i bukus nama minamar.

Taitus 3:7

I ulaun dat, sur dat in rakon a nilaun tukum, ra dat kis langlang suri nama nurnur. Ra i ulaun dat, i watung dat lena dat tokodos umatano, kibino una nun a marmaris.

Ibru 1:14

A kum ensel rop det a kum nion, ra det papam torom o God, niko? I tulu ru det sur det in warut a taro, det ra in ulaun det.

1 Pita 1:4

ma dat in rakon pas a utna ra o God i sa ubek tari sapat una langit. A utna ra ken mereseng, ken laulau ma ken rorom. O God i sa ubek tari sur mot.

1 Jon 2:25

Ma asau ra i uliliman tari sur in pitari tandat, i a nilaun tukum.