A Wakak na Wasiso un o Iesu Karisito o Mak i tumusi 10:14 - Nupela Testamen long tokples Kandas

¹⁴ O Iesu i tama i, i kankan ra i watungi tandet lena, “Mot in madek ru a kum nat liklik sur det in nan torom iau. Gong mot turbat det, uni a matanitu anun o God anundet ra det lenri.

A Wakak na Wasiso un o Iesu Karisito o Mak i tumusi 10:14 ပူးပေါင်းရင်းမြစ်များ

Matiu 18:10

“Gong mot nuk natino pas taio tagun a kum nat liklik ri. A inanos mot, anundet a kum ensel sapat una langit det ser tama in masarin o Tita ra i kis sapat una langit.

Matiu 18:4

I mo ra osi ra i unatino pasi, elar nama natlik ri, i ut ra i labo sakit una matanitu tagisapat una langit.

Matiu 19:14

O Iesu i watungi lena, “Mot in madek ru a kum nat liklik sur det in nan torom iau. Gong mot turbat det, uni a matanitu tagisapat una langit anundet ra det lenri.”

Matiu 5:10

Det ra di ban laulau det uni det mur a tokodos na petutna, det dan, uni anundet a matanitu tagisapat una langit.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

A Wakak na Wasiso un o Iesu Karisito o Mak i tumusi 3:5

O Iesu i nas pukpukus det, in balano i sungun nam det, ikut i maris det, uni a balandet i dekdek doko. I inanos a musano ra a lamano i kong lena, “Kodos a lamam.” I kodosi, ra a lamano i tokodos melet.

A Wakak na Wasiso un o Iesu Karisito o Mak i tumusi 8:33

O Iesu i tupukus, ma i tamtama torom anun a kum nat na ususer, ra i wasiso dekdek torom o Pita lena, “Satan, un nan unago numur tang! Uni u muri kut a nuknukin a taro, ma ko mur a nuknukin o God.”

A Wakak na Wasiso un o Iesu Karisito o Jon i tumusi 3:3

O Iesu i balu i lena, “A inanos ui nama lingmulus, osi ra ka di usus matoki, ken tama lar pas a matanitu anun o God.”

A Wakak na Wasiso un o Iesu Karisito o Jon i tumusi 3:5

Ra o Iesu i balu i lena, “A inanos ui nama lingmulus, osi ra ka di usus matoki una danim ma una nion, ken ruk lar pas una matanitu anun o God.

Aposel 2:39

Uni a etabor ri ra o God i sa uliliman taru uni, in nan torom mot, ma torom a kum nutnutu mot, ma det utkai ra det kis bakbak. In nan torom det rop, ra a Labino anundat a God in kabo pas det toromi.”

Aposel 3:25

A wasiso anun a kum poropet, anumot, ma a kunubus kai, ra o God i uliliman tari torom a kum tumtubu mot tagun numugu. I watungi torom o Abaram lena, ‘Un o tubum, an udan a kum kamkabo taro rop una rakrakon bual.’ Stat 22:18

A Pas anun o Pol torom a taro Rom 11:16

An wasiso elelar lenri: Ra a mugano du beret di pitari torom o God, elar nama ngasino anun a taro Israel, in kudulano beret rop anun o God. Ra a wakakor nin nanai di pitari torom o God, a kum kanokano kai anun o God ut.

A Pas anun o Pol torom a taro Rom 11:28

A taro Israel det a kum ebar anun o God, uni ka det nurnur una Wakak na Wasiso, sur in udan mot a taro gisen. Ikut, o God i maris doko det, uni i pilok pas a kum tumtubun det tagun numugu.

1 Korin 14:20

A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.

1 Korin 7:14

Uni a musano ra awu sur a tene nurnur, i anun o God, kibino una nun a ino ra i nurnur, ma a ino ra awu sur a tene nurnur, i anun o God, kibino una nun a musano ra i nurnur. Ra awu, a kum nutnutu mot, det in dur. Ikut, det sa talapor, det a taro anun o God.

Epeses 4:26

Ra mot kankan, gong mot pam a sakino. Ma gong in matanas i sup ra anumot a kankan kura utmakai,

2 Timoti 1:5

A nuk pas anum a lingmulus na nurnur, ra i elar nama nurnur anun aru ino ri, o tubum o Lois ma o nam o Unis. A tasmani lena a ngas na nurnur ra, kura kai un ui.

2 Timoti 3:15

ma u tasman a Buk Tabu turpasi ra u natlik utmakai. A Buk Tabu i utalapor a nuknukim, sur un nurnur un o Karisito Iesu, ra o God in ulaun pas ui.

1 Pita 2:2

Mot in nem doko a utna na nion ra katu dur uni, sur mot in lubung nami, tuk ra mot in dekdek una matok na nilaun. Mot in nem doko a utna na nion, elar nama kum nat miso det nem doko a polono sus.

Tamtama 14:5

Katu torotoro i pirso gusun a wandet, ma katu utna ra din takun det uni.