A Wakak na Wasiso un o Iesu Karisito o Mak i tumusi 1:38 - Nupela Testamen long tokples Kandas

³⁸ Ra o Iesu i balu det lena, “Dat in nan gisen bulung utiro un lako kum tamon milau, sur an warawai kai torom det. Uni i a kibino ra a wanpat suri.”

A Wakak na Wasiso un o Iesu Karisito o Mak i tumusi 1:38 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 1:37

Ra det sa sio pasi, det inanosi lena, “A taro rop det sisio sur ui.”

A Wakak na Wasiso un o Iesu Karisito o Mak i tumusi 1:39

Ra i wan tuptupukus una papor Galili rop. I warawai una nundet a kum rumu na lotu, ma i lakro ru a kum laulau na nion gusun a taro.

Luk 2:49

Ra i watungi tander lena, “Asau ra mur sisio sur iau suri? Ka mur tasmani lena i tokodos sur an kis una rumu anun o Tita?”

Luk 4:43

Ikut i balu det lena, “An warawai nama Wakak na Wasiso una matanitu anun o God una ramano kum tamon gisen kai. Uni i a kibino ra di tulu ru iau urin.”

A Wakak na Wasiso un o Iesu Karisito o Jon i tumusi 16:28

A wan tagisapat tan o Tita, ra a wan urin una rakrakon bual. Uniri, an nan mo gusun a rakrakon bual, ma an milet melet torom o Tita.”

A Wakak na Wasiso un o Iesu Karisito o Jon i tumusi 17:4

A sa pam sot pas a kum pinapam ra u pitar tari tang sur an pami. Ma una pinapam ra, a sa ese tar a minamarim nin una rakrakon bual.

A Wakak na Wasiso un o Iesu Karisito o Jon i tumusi 17:8

A sa inanos tar det nama kum wasiso ra u pitar tari tang, ma det sa muri. Ma det tasman mulusi lena a wan ut tagisapat tam, ma det sa nurnur lena ui ut u tulu ru iau urin.

A Wakak na Wasiso un o Iesu Karisito o Jon i tumusi 9:4

I wakak sur dat in pami ut a kum pinapam anun o naro ra i tulu ru iau urin ra i waspi utmakai. Ra i sa mirum, kataio melet mo in pet lar pasi sur in papam.