Matiu 9:13 - Nupela Testamen long tokples Kandas

¹³ Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Os 6:6 Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

Matiu 9:13 ပူးပေါင်းရင်းမြစ်များ

Matiu 12:3

O Iesu i balu det lena, “Pepetlai, ka mot luki utmakai asau ra o Dewid i pami? Det nama taro ra det wan tomo det murak,

Matiu 12:5

Pepetlai, ka mot luki utmakai a wasiso tagun a Buk na Warkurai? I watungi lena, a kum tene etabor torom o God det ser papam una rumu na etabor una Bung na Sabat, ikut ka det raro uni.

Matiu 12:7

Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Os 6:6 Ra gunuk mot sa tasman a kukurai ina wasiso ri, ka mot in takun det ra ka det raro.

Matiu 19:4

I balu det lena, “Pepetlai, ka mot luki utmakai a wasiso una Buk Tabu? I watungi lenri: Una turturkibin a ukukis, a Tene Ukukis ‘i ukis a taro, sur det in musano ma det in ino,’ Stat 1:27

Matiu 21:42

O Iesu i watungi tandet lena, “Pepetlai, ka mot luk a wasiso ri una Buk Tabu? I watungi lena, ‘A wat ra a kum tene pam rumu det lakro ru tari, i ut ra, i wanpat a wakak na wat ra i udekdek a rumu. A utna ri, a Labino ut i sa pam tari, ma i wakak sakit una numet a tamtama.’ Sng 118:22-23

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 3:8

Mot in pam a kum utna ra in upuaso i lena, mot sa nukpukus.

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

A Wakak na Wasiso un o Iesu Karisito o Mak i tumusi 12:26

Ra mot ipul lena, a kum minat ka det in katutur melet gusun a minat, pepetlai, ka mot luki utmakai a Buk anun o Moses, ra i wasiso unin nanai ra i kunabor? O God i watungi torom o Moses lena, ‘Iau a God anun o Abaram, a God anun o Aisak ma a God anun o Jekop.’ Kis 3:6

A Wakak na Wasiso un o Iesu Karisito o Mak i tumusi 12:33

Dat in nem o God nama balandat rop, a nuknukin dat rop ma a dekdekin dat rop, ma dat in nem a kum paspasan dat elar nami ra dat nem dat ut. Ra dat in mur aru warkurai ri, i labo taun a kum etabor ma a kum etabor kai ra di tuntuni torom o God.”

A Wakak na Wasiso un o Iesu Karisito o Mak i tumusi 2:17

O Iesu i longoro i, ra i watungi lena, “A dokta ke wanpat sur det ra det langolango. Awu! I wanpat sur det kut ra det misait. Ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

Luk 10:26

Ra o Iesu i balu i lena, “Asau ra di sa tumus tari una Warkurai? Asau u nuki uni?”

Luk 19:10

Uni a Nutun a Musano i wanpat sur in sisio sur det ra det raro ma in ulaun pas det.”

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 5:31

O Iesu i balu det lena, “A dokta ke wanpat sur det ra det langolango. Awu! I wanpat sur det kut ra det misait.

Luk 5:32

Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”

A Wakak na Wasiso un o Iesu Karisito o Jon i tumusi 10:34

O Iesu i watungi tandet lena, “Di sa tumus tari una numot a Warkurai lena o God i watungi lenri, ‘Mot a kum god.’ Sng 82:6

Aposel 11:18

Det longoro a wasiso ri, ra ka det wasiso melet mo, ma det watung ulabo pas o God lena, “O God i sa pam tar a kisapi sur det kai ra awu sur a taro Juda, det in nukpukus ma det in laun.”

Aposel 2:38

O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Aposel 3:19

Mot in nukpukus, ma mot in nan torom o God, sur in unus ru anumot a kum sakino petutna,

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

2 Pita 3:9

A Labino ke wowowon sur in pam sot pas anun a liliman lena in milet melet, elar nam ara taro det nuki. Awu, i kis langlang pas mot, uni ke nemi sur taio in iru. I nemi sur a taro rop det in nukpukus.