Matiu 7:24 - Nupela Testamen long tokples Kandas

²⁴ “I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat.

Matiu 7:24 ပူးပေါင်းရင်းမြစ်များ

Matiu 12:50

Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”

Matiu 16:18

Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.

Matiu 24:45

“A tultul ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul una nun a rumu, sur in ser tabor det nama andet a utna na inangon una kum du bung na inangon.

Matiu 25:2

A limo tagun det, det mananos, ma a limo kai tandet, ka det mananos.

Matiu 25:4

Ikut, det ra det mananos det los anundet a kum lam ma det losi utkai a kum koto na wel tomo nam det.

Matiu 25:9

Det balu det lena, ‘Awu, sako ken elar nam dat rop. Mot in nan torom det ra det siuru wel ma mot in kukul pas.’

Matiu 7:25

A bato i puku, ra a lomom i wanpat, ma a wuwu i ragoti ra i um a rumu ra, ikut ke toropo lar pas, uni di utur tari netes una wat.

Matiu 7:26

Det rop ra det longoro anung a kum wasiso ri, ikut ka det muri, det elar nama longlong, ra i utur tar anun a rumu netes kut una woio, ma ke por dekdek a kum pos.

Luk 11:28

O Iesu i balu i lena, “Ikut det ra det longoro a wasiso anun o God ma det muri, det dan sakit.”

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

A Wakak na Wasiso un o Iesu Karisito o Jon i tumusi 15:10

Ra mot in mur anung a kum warkurai, mot in laun una nung a marmaris, elar nam iau, a mur a kum warkurai anun o Tita, ra a laun una nun a marmaris.

A Wakak na Wasiso un o Iesu Karisito o Jon i tumusi 15:14

Ra mot in mur anung a kum warkurai, mot a kum paspasang.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

1 Jon 2:3

Ra dat mur anun a kum warkurai, dat talapor lena dat tasmani ut o God.