Matiu 6:27 - Nupela Testamen long tokples Kandas

²⁷ Ra taio tamot in nuknuk doko una nun a nilaun, pepetlai, in pet lari sur in tugus walos lilik anun a nilaun? Awu!

Matiu 6:27 ပူးပေါင်းရင်းမြစ်များ

Matiu 5:36

Gong u liliman namin lorim, uni kon pam pukus lar pas tin iwu na lorim sur in kabang, o in mirum.

Matiu 6:25

“I mo ra a watungi tamot lena, gong mot nuknuk doko una numot a nilaun sur asau mot in nani, ma asau mot in inumi. Ma gong mot nuknuk doko una pinimot kai sur asau mot in emar nami. A nilaun i labo taun a utna na inangon, niko? Ma a pinindi kai i labo taun in namalu, niko?

Matiu 6:28

“Ilai ra mot nuknuk doko sur a malmalu? Mot in tama a kum purpur tagisa ubual, ra det lubung pepetlai. Ka det ser papam ma ka det ser pam malu.

Matiu 6:31

Gong mot nuknuk doko ma mot watungi lena, ‘Asau ra dat in nani?’, o ‘Asau ra dat in inumi?’, o ‘Asau ra dat in emar nami?’

Matiu 6:34

I mo ra gong mot nuknuk doko sur a bung markan, uni markan in nuknuk ut suri. A ninunuk sur ara bung taktakai i topasi ut a bung ra.”

Luk 10:41

A Labino i balu i lena, “Mata, Mata, u nuknuk doko sur a susut na utna!

Luk 12:11

Ra din dat pas mot sur a warkurai una kum rumu na lotu, ma umatan a kum tene warkurai ma a kum mugumugu, gong mot nuknuk bing sur asau ra mot in balu lako kum etakun nami, o asau ra mot in watungi.

Luk 12:22

O Iesu i watungi torom anun a kum nat na ususer lena, “I mo ra a watungi tamot lena, gong mot nuknuk doko una numot a nilaun sur asau ra mot in nani, ma una pinimot kai sur asau ra mot in emar nami.

1 Korin 12:18

Ikut o God i sa tugus tomo tar a kum du pinindat rop taktakai, elar ut nama nun a nemnem.

Pilipai 4:6

Gong mot nuknuk doko sur tu utna. Una kum utna rop, mot in wararing nama niaring na watung wakak torom o God. Ma mot in inanosi una numot a kum nemnem.

1 Pita 5:7

Mot in pitar rop tar anumot a kum mamaut torom o God, uni i ser tamtamabat mot.