Matiu 5:22 - Nupela Testamen long tokples Kandas

²² Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

Matiu 5:22 ပူးပေါင်းရင်းမြစ်များ

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

Matiu 10:28

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

Matiu 12:24

Ikut a kum Parisi det longoro i ra det watungi lena, “A musano ri, i ser lakro ru a kum laulau na nion nama dekdekin o Belsebul, a labino anun a kum laulau na nion.”

Matiu 17:5

Ra i wasiso utmakai, a du bakut ra i talapor doko i pulus bat pas det. Ma in nalngan ara tagisapat una du bakut ra, i watungi lena, “Iri a Nutunglik, a nat na wakak, a gas doko nami. Mot in longoro i.”

Matiu 18:21

O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?”

Matiu 18:35

“Ra ka mot in dumano ru a sakino petutna ra a kum tistisi mot det pam tari un mot, o Tita ra i kis sapat una langit in pami kai lenra torom mot taktakai.”

Matiu 23:15

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot wan tuptupukus sa utasi ma sa ubual, sur mot in dat pukus taio, sur in nanpat a nat na ususer anumot. Ra i sa mulaot, mot sa tarai taru uni, sur in nan sur a labino sungun, ma anun a sakino petutna in labo taun anumot a sakino petutna.

Matiu 23:33

“Mot a kum sui! Mot a kum nutnutun a kum laulau na sui! Mot in kalabor eno pepetlai gusun a warkurai na minabalu una labino sungun?

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 26:59

A kum lamlabino tene etabor torom o God, tomo nama taro na kiwung rop, det sisio sur tu torotoro na wasiso un tu sakino utna ra o Iesu i sa pam tari, sur det in takuni nami, ma det in um doko i uni.

Matiu 3:17

Numur in nalngan ara tagisapat una langit i watungi lena, “Iri a Nutunglik, a nat na wakak, a gas doko nami.”

Matiu 5:34

Ikut iau, a watungi tamot lena, gong mot udekdek a liliman nam tu ngas na wasiso kai. Gong mot liliman nama langit, uni a langit, a kiskis na king anun o God.

Matiu 5:44

Ikut iau, a watungi tamot lena, mot in nem anumot a kum ebar, ma mot in wararing sur det ra det ban laulau mot.

A Wakak na Wasiso un o Iesu Karisito o Mak i tumusi 14:55

A kum lamlabino tene etabor torom o God, tomo nama taro na kiwung rop det sisio sur tu sakino utna ra o Iesu i sa pam tari, sur det in takuni nami, ma det in um doko i uni, ikut ka det sio lar pas tu utna.

A Wakak na Wasiso un o Iesu Karisito o Mak i tumusi 15:1

Una kobot raut, a kum lamlabino tene etabor torom o God, a kum mugumugu, ma a kum tene ususer tagun a Warkurai ma a taro na kiwung rop, det wasiso tomo pas. Det ker pas aru laman o Iesu, det beni, ra det pitari ulaman o Pailat.

Luk 12:5

Ikut an inanos kapo mot un o naro ra mot in ngara suri: Mot in ngara sur o naro ra a dekdekino i labo sur in um doko mot, ma in woro ru mot una labino sungun kai. A lingmulus a watungi tamot, o God kut ra mot in ngara suri.

Luk 22:66

Ra i waspi, a kum mugumugu anun a taro, a kum lamlabino tene etabor torom o God, ma a kum tene ususer tagun a Warkurai det wan tomo. Ma di ben pas o Iesu torom det una nundet a kiwung, ma det watungi tano lena,

A Wakak na Wasiso un o Iesu Karisito o Jon i tumusi 11:47

A kum lamlabino tene etabor torom o God, ma a kum Parisi det kabo tomo a taro na kiwung, ma det watungi lena, “Asau dat in pami? A musano ri i pam a susut na utna na ukisin.

A Wakak na Wasiso un o Iesu Karisito o Jon i tumusi 15:25

Di pami lenri, sur din pam sot pas a wasiso ra di sa tumus tari una Buk na Warkurai lena, ‘Det nget iau, ma katu kibino.’ Sng 35:19

A Wakak na Wasiso un o Iesu Karisito o Jon i tumusi 7:20

A kunur na taro det balu i lena, “A laulau na nion kura un ui. Osi i nem na um doko ui?”

A Wakak na Wasiso un o Iesu Karisito o Jon i tumusi 8:48

A ramano kum te Juda det watungi tan o Iesu lena, “Met tasman mulusi lena ui a te Samaria, ma a laulau na nion kura un ui.”

Aposel 17:18

A kum tene mananos tagun a etowo anun a taro Epikurian ma a taro Stoik det wasiso tomo nami. Ara taro det watungi lena, “Asau ri a tene wasiso oros ri i inanos dat nami?” Ma ara taro kai det watungi lena, “Kutiro, i inanos dat una kum matok na god tagun tu tamon gisen.” Det watungi lenri uni i warawai nama Wakak na Wasiso un o Iesu ma a nilaun melet gusun a minat.

Aposel 22:30

Una bung numur, a labino mugumugu i nemi sur in mananos wakak pas una utna ra a taro Juda det takun o Pol nami. Ra i palos ru a kum sen, i itula sur a kum lamlabino tene etabor torom o God, ma a taro na kiwung rop kai, sur det in nan tomo. Ra i ben pirso pas o Pol, ra i utur tari sa numugu umatandet.

Aposel 23:1

O Pol i tamtama tokodos torom a taro na kiwung, ra i watungi lena, “A kum tistising, tuk una bung ri, anung a nilaun i talapor umatan o God, ma in balang ke takun iau un tu utna.”

Aposel 24:20

Ma i wakak sur det ra kuri det, det in watung tu sakino ra det sa sio pasi un iau, ra a tur umatan a taro na kiwung sapat o Jerusalem.

Aposel 4:15

Det tulu gisen ru detul munung gusun a kiwung, ra det wasiso tomo pas, ma det watungi lena,

Aposel 5:21

Ra a kum aposel det mur a wasiso ra. Una kobot raut det ruk ubalan in noworo ina rumu na etabor ma det ususer a taro. A mugumugu na tene etabor torom o God i wanpat, tomo nama kum paspasano, ra det kabo tomo pas a taro na kiwung rop, a kum mugumugu anun a taro Israel. Ma det itula utong una karabus sur din ben pas a kum aposel.

Aposel 5:27

Ra det sa ben pas a kum aposel, det utur tar det umatan a taro na kiwung. Ma a mugumugu na tene etabor torom o God i watungi tandet lena,

Aposel 6:12

Ra det usungun balan a kum mugumugu, ma a kum tene ususer tagun a Warkurai ma a taro oros kai. Det wan torom o Stiwen, det pam ukai pasi, ma det beni sur in tur sa numugu umatan a taro na kiwung.

Aposel 6:15

Det rop ra det kis una kiwung, det tama dekdek o Stiwen, ma det tama i lena, in masarino i elar namin masarin a ensel.

Aposel 7:37

O Moses ut i watung tari tan a taro Israel lena, ‘O God in tulu ru tu poropet elar nam iau tagun a kum tumtubu mot ut.’ Lo 18:15

A Pas anun o Pol torom a taro Rom 12:10

Mot in nem etetalai mot elar nami ra mot nem a kum tistisi mot. Mot in urur etetalai torom mot, ma gong mot nuk pas mot ut.

1 Korin 6:10

ma a kum tene wolong, ma a kum matano muk, ma a kum tene ininum, ma det ra det emang, ma det ra det ras pas a ututna ra awu sur anundet, det rop ra, ka det in rakon a matanitu anun o God.

1 Korin 6:6

Ilai ra tu tene nurnur in ben melet tar ara tene nurnur torom det ra ka det nurnur, sur det in warkurai i?

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

Taitus 3:2

Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

Jems 2:20

Ui a longlong ui! A nurnur ra katu wakak na pinapam tomo nami, i utna oros kut. Pepetlai, u nemi sur an upuaso a wasiso ra tam?

Jems 3:6

In karmendat i elar nama sungun. I ara du pinindat, ra i bukus nama laulau ino, ra i ban udur a kudulano pinindat rop. I ungangon anundat a kudulano nilaun nama sungun tagun a labino sungun, ra ke ser mat.

1 Pita 2:23

Ra a taro det watung laulau i, ke balu det. Ra det ukadiki, ke kankan ma ke watung tari lena, in ban laulau det, awu. I madek tari ut una laman o God, i ra i ser warkurai nama tokodos na warkurai.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

1 Jon 2:9

Osi ra i watungi lena i kis una talapor, ikut i nget o tisino, i kis utmakai una dumirum.

1 Jon 3:10

Dat in tama lele a kum nutnutun o God ma a kum nutnutun o Satan lenri: Osi ra ke pam a tokodos na petutna, i awu sur a nutun o God, lenkutkai ra torom osi ra ke nem o tisino.

1 Jon 5:16

Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat.

A Pas anun o Jud 1:9

Ikut o Maikel, a mugumugu anun a kum ensel, ra der engaras nam o Satan una minatin o Moses, ke watung tar tu laulau na wasiso un o Satan. I watungi kut lena, “A Labino ut in balu i torom ui.”

Tamtama 20:14

Numur di woro pirso ru a minat ma o Edes unin labino tung na sungun. In nutung na sungun ra, i a manru na minat.