Matiu 28:6 - Nupela Testamen long tokples Kandas

⁶ Ke kis mo nin. I sa katutur melet elar nama nun a wasiso. Mur wan urin, ma mur in tama a nubual ra i inep taru uni.

Matiu 28:6 ပူးပေါင်းရင်းမြစ်များ

Matiu 12:40

Uni o Jona i laun a tulu bung unin balan a labino kiripo, ma lenkutkai ra a Nutun a Musano in inep pas a tulu bung ubalan a piso.

Matiu 16:21

Turpasi una bung ra, o Iesu i utalapor anun a kum nat na ususer lena, in nan ut usapat o Jerusalem. Ra in taramo a susut na mamaut ulaman a kum mugumugu, a kum lamlabino tene etabor torom o God, ma a kum tene ususer tagun a Warkurai, ma din um doko i. Ra a tulu bung in rop in katutur melet.

Matiu 17:23

ma det in um doko i. Numur tan a tulu bung o God in ulaun melet pasi.” Ra a kum nat na ususer det longoro i, det tupunuk doko uni.

Matiu 17:9

Ra det wan pirso nanan tagisapat una tangai, o Iesu i turbat tar detul lena, “Gong motul inanos tar taio un asau ri motul sa tama tari, tuk una bung ra a Nutun a Musano in katutur melet gusun a minat.”

Matiu 20:19

ma det in pitar tari torom det, ra awu sur a taro Juda sur det in urongon laulau uni, det in mirasi, ma det in sak wati unin nanai kutus. Ra a tulu bung in rop in katutur melet.”

Matiu 27:63

Det watungi tano lena, “Labino, met nuk pas a wasiso anun a tene torotoro ri. Ra i laun utmakai, i watungi lena, ra a tulu bung in rop, in laun pat melet.

A Wakak na Wasiso un o Iesu Karisito o Mak i tumusi 16:6

A musano ra i watungi lena, “Gong motul ngara. A tasmani lena, motul sisio sur o Iesu a te Nasaret, i ra di sak wat tari unin nanai kutus. I sa katutur melet, ma ke kis mo nin. Motul in tama a nubual ra di inep tari uni.

A Wakak na Wasiso un o Iesu Karisito o Mak i tumusi 8:31

O Iesu i turpasi sur in towo anun a kum nat na ususer lena, “A Nutun a Musano in taramo a susut na mamaut. A kum mugumugu, a kum lamlabino tene etabor torom o God, ma a kum tene ususer tagun a Warkurai det in rosumur gusuni ma din um doko i. Ra a tulu bung in rop, in katutur melet.”

Luk 24:12

Ikut o Pita i tur, i kalabor sur a kulam na minat. I par pirso, ra i kiet ma i tama a kum malu mukut, det inep gisen taru. Ra i milet melet, ma i nuknuk doko un asau ri i wanpat.

Luk 24:23

ikut ka det tama a minatino. Ra det milet melet, det watungi lena, det tama tar aru ensel una tamtama, ra der watungi lena i sa laun.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

A Wakak na Wasiso un o Iesu Karisito o Jon i tumusi 10:17

“O Tita i nem mulus iau, uni iau ut a pitar anung a nilaun, sur numur an los melet pasi.

A Wakak na Wasiso un o Iesu Karisito o Jon i tumusi 2:19

O Iesu i balu det lena, “Mot in rege ru a rumu ri anun o God, ma an utur melet pasi kut un lako tulu bung.”

Aposel 2:24

Ikut, o God i ukatutur melet pasi, ma i los ru a minat gusuni, uni a minat ke pam ukai lar pasi.