Matiu 27:62 - Nupela Testamen long tokples Kandas

⁶² Una bung numur, a Bung na Sabat, a kum lamlabino tene etabor torom o God ma a kum Parisi det wan tomo torom o Pailat.

Matiu 27:62 ပူးပေါင်းရင်းမြစ်များ

Matiu 26:17

Una mugano bung una kum lamlabino bung na lotu na beret ra kalako is uni, a kum nat na ususer det wan torom o Iesu, ma det tingi lena, “U nemi sur met in waninar andat a utna sur a labino bung na lotu na Wanlakai awai?”

A Wakak na Wasiso un o Iesu Karisito o Mak i tumusi 15:42

Ara musano a te Arimatia, a risano o Josep. I ara tagun a taro na kiwung, a labino musano ra a taro det ser ru i, ma i ser kis langlang sur a matanitu anun o God. Ra i sa lirop una bung na waninar, a bung numugu tan a Bung na Sabat, i wan torom o Pailat, ke ngara, ra i saring pas a minatin o Iesu tano.

A Wakak na Wasiso un o Iesu Karisito o Jon i tumusi 19:14

Ra in matanas i sa kis lekeleke, o Pailat i watungi tan a taro Juda lena, “Mot tama i, anumot a king ri.” A utna ri, i wanpat una bung na waninar, a bung numugu tan a labino bung na lotu na Wanlakai.

A Wakak na Wasiso un o Iesu Karisito o Jon i tumusi 19:31

A kum te Juda det saring o Pailat sur din sak pakpak tar a kum kikindetul, sur detul in mat lakit, ma din los pirso ru a pinindetul gusun a tulin nanai kutus, uni a bung ra, i a bung na waninar, a bung numugu tan ara labino Bung na Sabat, ma ka det nemi sur a pinindetul in kete una tulin nanai kutus una Bung na Sabat.

A Wakak na Wasiso un o Iesu Karisito o Jon i tumusi 19:42

Det inep tar a minatin o Iesu una kulam na minat ra, uni i milau kut. Det pami lenra uni a bung ra, a bung na waninar, a bung numugu tan a Bung na Sabat anun a taro Juda.