Matiu 27:56 - Nupela Testamen long tokples Kandas

⁵⁶ Kura epotor tandet, a tulu ino kai ri, o Maria Magdalen, ma o Maria a nan o Jems ma o Josep, ma a nan aru nutnutun o Sebedi.

Matiu 27:56 ပူးပေါင်းရင်းမြစ်များ

Matiu 13:55

O Tamano a tene pam rumu kut, ma o nano o Maria. A kum tistisino kai, o Jems, o Josep, o Saimon ma o Judas

Matiu 27:61

O Maria Magdalen ma o Maria kai, a nan o Jems ma o Josep, der kis taru numugu tan a kulam na minat.

Matiu 28:1

Numur tan a Bung na Sabat, una kobot raut una mugano bung una wik, o Maria Magdalen, ma ara Maria kai der wan sur der in tama a kulam na minat.

A Wakak na Wasiso un o Iesu Karisito o Mak i tumusi 15:47

O Maria Magdalen ma o Maria, o nan o Joses, der tama tar a nubual ra di inep o Iesu uni.

A Wakak na Wasiso un o Iesu Karisito o Mak i tumusi 16:9

O Iesu i katutur melet gusun a minat una kobot raut una mugano bung una wik. Ra i wanpat mugu torom o Maria Magdalen, i ra numugu o Iesu i lakro ru tar a wonom mawit na laulau na nion gusuni.

Luk 24:10

A wardain ra det inanos a kum aposel det ri: O Maria Magdalen, o Joana, ma o Maria o nan o Jems, ma a ramano kum ino kai, ra det wan tomo nam detul.

Luk 8:2

ma a kum wardain kai, ra i sa lakro ru tar a kum laulau na nion gusun det, ma i sa ulangolango pas det gusun a kum misait. Iri a kum risandet: O Maria, ara risano kai o Magdalen, i ra a wonom mawit na laulau na nion det pirso pas gusuni,

A Wakak na Wasiso un o Iesu Karisito o Jon i tumusi 19:25

O nan o Iesu i tur milau nisan in nanai kutus anun o Iesu. I tur tomo nama tisino a ino, ma o Maria kai a ino anun o Klopas, ma o Maria Magdalen.

A Wakak na Wasiso un o Iesu Karisito o Jon i tumusi 20:1

Una lar una mugano bung una wik, o Maria Magdalen i wan utiro una kulam na minat. I tama i lena di sa sur gisen tar a wat gusun a matansako na kulam na minat.

A Wakak na Wasiso un o Iesu Karisito o Jon i tumusi 20:18

Ra o Maria Magdalen i wan torom a kum nat na ususer ra i inanos det lena, “A sa tama tar a Labino.” Ma i inanos det kai una kum utna ra o Iesu i sa watung tari tano.