Matiu 27:42 - Nupela Testamen long tokples Kandas

⁴² “I ulaun pas a taro gisen, ikut ken ulaun lar pasi ut. Ra i a King anun a taro Israel, uniutri in pirso gusun in nanai kutus ma dat in nurnur uni.

Matiu 27:42 ပူးပေါင်းရင်းမြစ်များ

Matiu 2:2

Ra det iting lena, “Awai i a nat ra di ususi, sur in king anun a taro Juda? Uni met tama anun in nangnang tiro una nubual ra in matanas i pusu pat iai, ra iri met wan urin sur met in lotu toromi.”

Matiu 27:37

Sapat netes tan in lorin o Iesu unin nanai kutus, det ubek tar a wasiso na etakun uni, di tumus tari lena, “iri o iesu, a king anun a taro juda.”

Matiu 27:40

Ma det watungi lena, “Ui mo ra u watungi lena un rege ru a rumu na etabor ma un pam melet pasi una tulu bung kut, uniri un ulaun pas ui mo. Ra ui a Nutun o God, un pirso gusun in nanai kutus.”

Matiu 27:41

A kum lamlabino tene etabor torom o God ma a kum tene ususer tagun a Warkurai ma a kum mugumugu, det kai det urongon laulau un o Iesu, det watungi lena,

A Wakak na Wasiso un o Iesu Karisito o Mak i tumusi 15:31

A kum lamlabino tene etabor torom o God ma a kum tene ususer tagun a Warkurai det kai det urongon laulau un o Iesu, det wasiso etalai torom det lena, “I ulaun pas a taro gisen, ikut ken ulaun lar pasi ut.

A Wakak na Wasiso un o Iesu Karisito o Mak i tumusi 15:32

Ra i a Karisito, a King anun a taro Israel, uniutri in pirso gusun in nanai kutus, sur dat in tama i, ma dat in nurnur uni.” Ma der ra der kete tomo nami, der kai, der watung laulau i.

Luk 19:38

“A king ra i wanpat nama risan a Labino i dan! Sng 118:26 A malmal sapat netes una langit, ma a minamar sapat netes sakit!”

Luk 23:35

A taro det tur ra det ieli, ma a kum mugumugu det urongon laulau un o Iesu, det watungi lena, “I ulaun pas a taro gisen. Ra i a Karisito anun o God, anun a nat na pipilok, i wakak sur in ulaun pasi ut.”

Luk 23:37

ra det watungi lena, “Ra ui a king anun a taro Juda, uniri un ulaun pas ui mo.”

A Wakak na Wasiso un o Iesu Karisito o Jon i tumusi 1:49

O Natanael i watungi tano lena, “Tene Ususer, ui a Nutun o God, ui a King anun a taro Israel.”

A Wakak na Wasiso un o Iesu Karisito o Jon i tumusi 12:13

Ra det los pas a kum dono baibai ma det wan sur det in barato o Iesu nami. Ra det kukukuk lena, “Osana! O naro ra i wanpat nama risan a Labino i dan! Sng 118:25-26 A king anun a taro Israel i dan!”

A Wakak na Wasiso un o Iesu Karisito o Jon i tumusi 12:47

Ra taio i longoro anung a kum wasiso ma ke muri, iau kan warkurai i. Uni ka wanpat sur an warkurai a rakrakon bual, a wanpat kut sur an ulauni.

A Wakak na Wasiso un o Iesu Karisito o Jon i tumusi 9:24

Det ben melet pas a musano ra di usus pasi, i sa pulu, ma det watungi tano lena, “Un liliman umatan o God ra anum a wasiso i lingmulus ut! Met tasmani lena a musano ra i utamtama pas ui, a tene sakino.”

Aposel 4:14

Ikut det tama a musano ra di ulangolango pasi, i tur tomo nam der, ra ka det pet lar pasi mo sur det in balu der.