Matiu 27:19 - Nupela Testamen long tokples Kandas

¹⁹ Ra o Pailat kura utmakai i pam a warkurai, anun a ino i pitar ru a wasiso toromi lena, “Gong u pam tu utna una tene tokodos ra, katu niraro anunu. Uni nanganong mirum, a ririon, ma a kum utna a tama i una musano ra, i ban laulau anung a nilaun.”

Matiu 27:19 ပူးပေါင်းရင်းမြစ်များ

Matiu 1:20

Ra i nuknuk utmakai una utna ri, a ensel anun a Labino i wanpat toromi una ririon ra i watungi lena, “Josep, a nutun o Dewid, gong u wur nuknuk un o Maria, un ben pasi kut sur anum a ino. Uni a nat ra i tianan pasi, i wanpat tagun a Tokodos na Nion.

Matiu 2:19

O Erod i sa mat, ra a ensel anun a Labino i wanpat torom o Josep una ririon tiro o Ijip.

Matiu 2:22

Ikut i longoro i lena, o Akelaus i keles o tamano o Erod, sur i bulung in king tong una papor Judia, ra o Josep i ngara sur in nan utong o Judia. Ra detul wan mukut utong una papor Galili, uni o God i turbat tar o Josep una ririon, sur gong detul wan utong una papor Judia.

Matiu 27:18

I watungi lenri, uni i sa tasmani lena, a kum mugumugu anun a taro Juda, det pitar tar o Iesu toromi una sakino nuknukin det.

Matiu 27:24

O Pailat i tama i lena, ke pet lar pas tu utna mo, ma a labino purpuruon milau in nanpat. Ra i los pas a danim, i gos pas aru lamano umatan a kunur na taro, ra i watungi lena, “A langolango gusun a gapin a tene tokodos ri. Mot ut din warkurai mot uni.”

Matiu 27:4

Ma i watungi lena, “A sa pam tar a sakino petutna, uni a sa usobor tar o naro ra ke pam tu sakino.” Ra det balu i lena, “Met, met lai? Ui ut!”

Luk 23:41

I tokodos ut un dar, uni dar los a minabalu una nundar a sakino petutna. Ikut, a musano ri ke pam tu niraro.”

Luk 23:47

A mugumugu anun a kum tene inaim i tama a utna ri i wanpat, ra i watung ulabo pas o God lena, “I lingmulus ut, a musano ri a tene tokodos.”

A Wakak na Wasiso un o Iesu Karisito o Jon i tumusi 19:13

O Pailat i longoro a kum wasiso ri, ra i ben pirso pas o Iesu unago upiso. Numur o Pailat i kis taru una kiskis na warkurai, kura una dino ra di watungi o Gabata una wasiso Ibru. A kukuraino i lena, di ubek bat a piso nama kum watat.

Aposel 12:21

Una bung ra o Erod i kubus tari tandet, i emar pas nama kum malu na king, ma i kis taru una kiskis na king, ra i wasiso torom a taro.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 18:16

Ra i lakro ru det gusun a kinkinis na warkurai.

Aposel 18:17

Ma det rop det pam ukai pas o Sostenes, a mugumugu tagun a rumu na lotu anun a taro Juda, ra det umi umatan a kinkinis na warkurai. Ikut o Galio ke nuk pas a utna ra.

Aposel 25:10

Ra o Pol i balu i lena, “Uniri a tur una warkurai anun a Sisa, i tokodos ut sur din warkurai iau nin. Ka pam tu niraro torom a taro Juda, ui kai u sa tasman tari.

Aposel 25:17

“Ra det wanpat tomo nin, ka balbalon nama warkurai. Ara bung kut numur, a kis una kiskis na warkurai, ra a itula sur din ben pas a musano ra.

Aposel 25:6

Ra o Pestus i sa kis tomo pas nam det a tiwal na bung, o a noino bung, i milet melet utong o Sisaria. Una bung numur, i turpasi sur in pam a warkurai, ra i itula sur din ben o Pol toromi.

1 Pita 2:22

“Ke pam tar tu sakino petutna, ma ke watung tar tu torotoro na wasiso.” Ais 53:9

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.