Matiu 26:55 - Nupela Testamen long tokples Kandas

⁵⁵ Una du bung ra, o Iesu i watungi tan a kunur na taro lena, “Pepetlai, kutiro iau a tene inaim ma a tene wolong, sur i mo ri mot wanpat nama kum totok na inaim ma a kum nalnal sur mot in pam ukai pas iau? Una kum bung rop a ser kis ubalan in noworo ina rumu na etabor, a ser ususer a taro, ma ka mot pam ukai iau.

Matiu 26:55 ပူးပေါင်းရင်းမြစ်များ

Matiu 21:23

O Iesu i ruk ubalan in noworo ina rumu na etabor, ma i ususer a taro. A kum lamlabino tene etabor torom o God ma a kum mugumugu anun a taro det wan toromi. Ra det tingi lena, “Asi na ngas na dekdek ra u pam a kum utna ri nami? Osi ra i pitar tar a dekdek ri tam?”

Matiu 26:47

Ra o Iesu i wasiso utmakai, o Judas, ara tagun a noino ma aru nat na ususer, i wanpat, det nama kunur na taro. Det los a kum totok na inaim ma a kum nalnal. A kum lamlabino tene etabor torom o God ma a kum mugumugu anun a taro, det tulu ru det.

A Wakak na Wasiso un o Iesu Karisito o Mak i tumusi 10:1

O Iesu i wan tagitiro utong una papor Judia, ma un ara papor danim Jodan kai. A kunur na taro det wan melet toromi, ra i ususer melet det elar nama ngasino anunu.

A Wakak na Wasiso un o Iesu Karisito o Mak i tumusi 12:35

Ra o Iesu i ususer det ubalan in noworo ina rumu na etabor, i watungi lena, “Ilai ra a kum tene ususer tagun a Warkurai det watungi lena, a Karisito i a nutun o Dewid?

Luk 19:47

Una kum bung rop, o Iesu i ser ususer a taro ubalan in noworo ina rumu na etabor. Ikut a kum lamlabino tene etabor torom o God, ma a kum tene ususer tagun a Warkurai ma a kum mugumugu anun a taro, det nuknuk sur tu kisapi sur det in um doko i uni.

Luk 20:1

Ara bung o Iesu i ususer a taro ubalan in noworo ina rumu na etabor, ma i warawai nama Wakak na Wasiso, ra a kum lamlabino tene etabor torom o God, ma a kum tene ususer tagun a Warkurai tomo nama kum mugumugu det wan toromi.

Luk 4:20

I pul melet tar a buk ra, i pitar tari torom a tene pinapam tagun a rumu na lotu, ma i kis melet. A taro rop una rumu na lotu det tama dekdeki,

A Wakak na Wasiso un o Iesu Karisito o Jon i tumusi 7:14

Ra det sa kis epotor una kum lamlabino bung na lotu, o Iesu i turpasi sur in ususer a taro ubalan in noworo ina rumu na etabor.

A Wakak na Wasiso un o Iesu Karisito o Jon i tumusi 7:28

O Iesu i ususer utmakai ubalan in noworo ina rumu na etabor, i wasiso namin labino walngano ma i watungi lena, “Pepetlai, mot tasman mulus iau ut, ma a tamon kai ra a wan taguni? Ka wanpat urin una nuknuking. O naro ra i tulu ru iau, i watung a lingmulusino. Ma mot, ka mot tasman o naro ra.

A Wakak na Wasiso un o Iesu Karisito o Jon i tumusi 8:2

Una kobot raut una bung numur, o Iesu i milet melet sur a rumu na etabor, ra a taro rop det wan tomo toromi. Ra i kis ma i ususer det.

A Wakak na Wasiso un o Iesu Karisito o Jon i tumusi 8:20

O Iesu i watung a wasiso ri tiro ubalan in noworo ina rumu na etabor, una nubual ra di ser ubek a mani na etabor iai. Kataio i pam ukai i, uni anun a du bung ke sot utmakai.