Matiu 26:52 - Nupela Testamen long tokples Kandas

⁵² O Iesu i watungi tano lena, “Uruk melet anum in totok una bano, uni det rop ra det etau nama kum totok na inaim, det in iru nama kum totok na inaim.

Matiu 26:52 ပူးပေါင်းရင်းမြစ်များ

Matiu 5:39

Ikut iau, a watungi tamot lena, gong mot balu a sakino anun taio ra i pami torom mot. Ra taio in pasor tar a papor sot na wam, un pukus ara papor bulung toromi.

A Pas anun o Pol torom a taro Rom 12:19

A kum paspasang, gong mot balu taio ra i pam a laulau ino torom mot. Mot in madek tari kut torom o God sur in balu i. Uni di sa tumus tar a wasiso ra a Labino i watungi una Buk Tabu lena, “Anungi kut a warkurai na minabalu. Iau an mabalu.” Lo 32:35

1 Tesalonaika 5:15

Gong mot balu a sakino nama sakino. Mot in dekdek sur mot in pam a wakakino etetalai torom mot, ma torom a taro rop kai.

1 Pita 3:9

Gong mot balu a laulau ino nama laulau ino, ma gong mot balu a sakino wasiso nama sakino wasiso. Mot in watung udan det ra det pam a laulau ino torom mot, uni o God i kabo pas mot sur mot in pami lenra, ra in watung udan mot.

Tamtama 13:10

Ra o God i sa mulaot tar taio sur in karabus, in karabus ut. Ra i sa mulaot tar taio sur din tau doko i namin totok na inaim, din um doko i ut nami. Ra i lenra, i wakak sur a taro anun o God det in tur dekdek ma det in nurnur.

Tamtama 16:6

Det sa um doko ru anum a taro ma anum a kum poropet, ma a gapindet i tilingis. I mo ra u sa pitar tar a gap torom det sur det in inum uni. I elar nama warkurai na minabalu torom det una anundet a sakino pinapam.”