Matiu 26:45 - Nupela Testamen long tokples Kandas

⁴⁵ Ra i milet melet torom a tulu nat na ususer, i watungi tandetul lena, “Pepetlai, motul in inep liklik mukut ma motul in mana? Tama i, a du bung i sa milau, ra din pitar tar a Nutun a Musano ulaman a kum tene sakino.

Matiu 26:45 ပူးပေါင်းရင်းမြစ်များ

Matiu 26:18

Ra i balu det lena, “Mur in nanpat sapat o Jerusalem, mur in etorom nam ara musano, ra mur in watungi tano lena, ‘A Tene Ususer i watungi lena: Anung a bung i sa milau. Met nam anung a kum nat na ususer met in ukinalong a labino bung na lotu na Wanlakai munung una num a rumu.’”

Matiu 26:2

“Mot tasmani ut, ra aru bung in rop, din turpas a labino bung na lotu na Wanlakai, ra din pitar tar a Nutun a Musano sur din sak wati unin nanai kutus.”

Matiu 26:44

Ra i wan melet gusun detul, i mantulu wararing, ra i watung melet a niaring ra i sa watung tari munung.

Matiu 26:46

Motul katutur, dat na wan! Tama i, a musano ra in pitar tar iau ulaman a kum ebar, i sa wanpat.”

A Wakak na Wasiso un o Iesu Karisito o Mak i tumusi 14:35

I wan lilik taru usa numugu, i puku na urur tiro una piso, ma i wararing sur a du bung na minat in nan sakiti, ra gunuk a nemnem anun o God.

Luk 22:53

Una kum bung rop dat ser kis tomo ubalan in noworo ina rumu na etabor ma ka mot pam ukai iau. Ikut uniri anumot a du bung, ra a dekdekin a dumirum i mugu mot.”

A Wakak na Wasiso un o Iesu Karisito o Jon i tumusi 12:23

Ra o Iesu i watungi tander lena, “A du bung i sa wanpat sur o God in mar a Nutun a Musano.

A Wakak na Wasiso un o Iesu Karisito o Jon i tumusi 12:27

“Uniri in balang i maut doko. Asau mo ra an len? Pepetlai, an watungi lena, ‘Tita, un ulaun iau gusun a du bung ri’? Awu, kan wararing lenri, uni, i kutri, i a kibino ra a wan suri urin, sur an taramo a ngunungut una bung ri.

A Wakak na Wasiso un o Iesu Karisito o Jon i tumusi 13:1

A labino bung na lotu na Wanlakai i sa milau, ra o Iesu i tasmani lena i sa milau sur in nan mo gusun a rakrakon bual, ma in nan torom o Tamano. I maris doko anun a taro ra det kis una rakrakon bual, ra uniri i ese anun a labino marmaris torom det, a marmaris ra katu tuktukino.

A Wakak na Wasiso un o Iesu Karisito o Jon i tumusi 17:1

Ra o Iesu i sa watung rop tar a kum wasiso ri, i tamtama tito usapat una langit, ra i watungi lena, “Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui.