Matiu 26:28 - Nupela Testamen long tokples Kandas

²⁸ Iri a gaping, a kunubus ra i dat tomo tar a taro nam o God. A gaping ri, i tilingis sur in unus ru a kum sakino petutna anun a susut na taro.

Matiu 26:28 ပူးပေါင်းရင်းမြစ်များ

Matiu 20:28

Lenkutkai ra a Nutun a Musano ke wanpat sur din papam toromi. I wanpat sur i ut in papam torom a taro, ma in pitar tar anun a nilaun, a ikul, sur in kul langolango pas a susut na taro.”

Matiu 26:27

Numur i los pas a kap, i watung wakak pas uni ra i pitari tandet. I watungi lena, “Mot rop mot in inum taguni.

Matiu 26:29

A watungi tamot lena, kan inum meleti mo lako wain, tuk ra dat in inum a matok na wain una matanitu anun o Tita.”

Matiu 6:12

Un unus ru anumet a kum sakino petutna, elar nam met dumano ru anundet a kum sakino petutna torom met.

A Wakak na Wasiso un o Iesu Karisito o Mak i tumusi 1:4

A musano ra, i o Jon a Tene Baptaiso. I kis una nubual kalako taro uni, ra i ser warawai lena, a taro det in nukpukus ma din baptaiso det, sur o God in unus ru anundet a kum sakino petutna.

A Wakak na Wasiso un o Iesu Karisito o Mak i tumusi 14:24

Ra i watungi tandet lena, “Iri a gaping, a kunubus ra i dat tomo tar a taro nam o God. A gaping ri, i tilingis sur a susut na taro.

Luk 22:19

Ra i los pas a beret, i watung wakak pas uni, i tibiki, ma i tabor det nami, ra i watungi lena, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Luk 22:20

Lenkutkai ra, numur tan a inangon, i los pas a kap ma i watungi lena, “A kap ri, a matok na kunubus tagun a gaping ra i tilingis sur mot, ra i dat tomo tar a taro nam o God.

A Pas anun o Pol torom a taro Rom 5:15

Ikut a etabor anun o God ke elar nama sakino petutna anun o Adam. Uni a susut na taro det mat una sakino petutna anun ara musano kut. Ikut, i lingmulus sakit, a marmaris anun o God i bukus ma i pulpulas, ma un ara musano kut, o Iesu Karisito, ma una nun a marmaris, i pitar oros tari kut a etabor torom a susut na taro.

A Pas anun o Pol torom a taro Rom 5:19

Una pitarngat anun ara musano kut, a susut na taro det a kum tene sakino. Lenkutkai ra, una mur wasiso anun ara musano kut, o Iesu Karisito, a susut na taro det a kum tene tokodos.

1 Korin 11:25

Lenkutkai ra, ra i sa rop a inangon, i los pas a kap ma i watungi lena, “A kap ri, a matok na kunubus tagun a gaping, ra i dat tomo tar a taro nam o God. Mot in pami lenri una kum du bung ra mot inumi, sur mot in ser nuk melet pas iau.”

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Kolosi 1:14

i ra i sa kul langolango pas dat, ma i sa unus ru anundat a kum sakino petutna.

Kolosi 1:20

Ra una minatin o Nutunu, a kum utna rop det milet melet toromi, sur det in kis na emarom tomo nami, a kum utna nin upiso ma a kum utna sapat netes una langit. I pam a malmal nama gapin o Nutunu ra i mat unin nanai kutus.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 13:20

A wararing torom o God ra i ser pitar a malmal. I ra i ukatutur melet pas anundat a Labino o Iesu gusun a minat. O Iesu, i a labino tene tamtamabat anun a kum sipsip ra i mat ma i pitar tar a gapino ut sur in pam a kunubus ra in tur tukum. I mo ra o God i ukatutur melet pasi gusun a minat.

Ibru 9:28

Lenkutkai ra o Karisito i pitar tari ut sur i a etabor torom o God ara dino kut, sur in los gisen ru a kum sakino petutna anun a susut na taro. Ma in nanpat melet a manru na dino. Awu mo sur in los gisen ru a kum sakino petutna, awu. In nanpat sur in ulaun pas det ra det kis langlang suri.

1 Jon 2:2

I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.

Tamtama 7:14

A balu i lena, “Labino, ui ut u tasmani.” Ra i watungi tang lena, “Det ri, a taro ra det sa laun sikot tagun a labino ngunungut ra i monong det, ma det sa gos kamkabang pas anundet a kum malu nama gapin a Barman na Sipsip.

Tamtama 7:9

Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai.