Matiu 26:14 - Nupela Testamen long tokples Kandas

¹⁴ O Judas Iskariot, ara tagun a noino ma aru nat na ususer, i wan torom a kum lamlabino tene etabor torom o God.

Matiu 26:14 ပူးပေါင်းရင်းမြစ်များ

Matiu 10:4

ma o Saimon ara tagun a kum Silot, ma o Judas Iskariot, i ra i usobor tar o Iesu.

Matiu 26:25

O Judas, i ra in pitar tari torom a kum ebar, i tingi lena, “Tene Ususer, awu sur iau niko?” I balu i lena, “Ui ut ra.”

Matiu 26:47

Ra o Iesu i wasiso utmakai, o Judas, ara tagun a noino ma aru nat na ususer, i wanpat, det nama kunur na taro. Det los a kum totok na inaim ma a kum nalnal. A kum lamlabino tene etabor torom o God ma a kum mugumugu anun a taro, det tulu ru det.

Matiu 27:3

O Judas, i ra i pitar tar o Iesu ulaman a kum ebar, i tasmani lena di sa warkurai tar o Iesu sur in mat, ra a labino tupunuk i losi. I milet ra i pitar melet ru a tulu noino silwa torom a kum lamlabino tene etabor torom o God ma a kum mugumugu.

A Wakak na Wasiso un o Iesu Karisito o Jon i tumusi 12:4

Ara tagun a kum nat na ususer anun o Iesu, o Judas Iskariot, i ra in usobor tar o Iesu, i watungi lena,

A Wakak na Wasiso un o Iesu Karisito o Jon i tumusi 13:2

Una mirum, o Iesu tomo nam anun a kum nat na ususer det wangon tomo. Numugu tan anundet a inangon, o Satan i sa unuk tar o Judas Iskariot, a nutun o Saimon, sur in usobor tar o Iesu.

A Wakak na Wasiso un o Iesu Karisito o Jon i tumusi 13:26

O Iesu i balu i lena, “An puk pas a du beret una dis, ma osi ra an pitari tano, i ut ra.” Ra i puk pas a du beret, ma i pitari tan o Judas Iskariot, a nutun o Saimon.

A Wakak na Wasiso un o Iesu Karisito o Jon i tumusi 13:30

Ra o Judas i rakon pas a du beret, i pirso pas mut. Ma i sa mirum.

A Wakak na Wasiso un o Iesu Karisito o Jon i tumusi 18:2

O Judas, i ra i usobor tar o Iesu i tasman a kinobot ra, uni a susut na dino o Iesu ma anun a kum nat na ususer det ser wan tomo iai.

Aposel 1:16

“A kum tistising, a wasiso anun a Tokodos na Nion, ra o Dewid i wasiso taru uni numugu utmakai una Buk Tabu, uniri di sa pam sot pasi. I wasiso un o Judas, i ra i mugu det ra det pam pas o Iesu.

Aposel 1:18

Ra o Judas i kul pas a du piso nama mani tagun anun a sakino pinapam ra i pam tari. Numur i puku pirso tiro iai una nun a du piso, in masarino i mugu. Ra in balano i tupurus potor, ma in narus na balano i tilior piso rop.