Matiu 24:14 - Nupela Testamen long tokples Kandas

¹⁴ Din warawai nama Wakak na Wasiso una matanitu anun o God torom a taro tagun a rakrakon bual rop, sur a wasiso talapor in nan torom a taro tagun a kum gapman rop, ra numur a ururop na bung in nanpat maragom.

Matiu 24:14 ပူးပေါင်းရင်းမြစ်များ

Matiu 10:7

Ra mot nan, mot in warawai nanan lenri, ‘A matanitu tagisapat una langit i sa milau.’

Matiu 18:19

A watungi kai tamot, ra lako ru tagun mot nin upiso der mulaot un tu utna ra der sasaring suri, o Tita ra i kis sapat una langit in pam soti ut torom der.

Matiu 24:3

Ra o Iesu i kis sapat netes una Tangai na Oliw, a kum nat na ususer det wanpat eno toromi, ma det watungi tano lena, “Un inanos met, nangisin mo a kum utna ri in nanpat? Ma asi na ukinalong ra in ese anum a milmilet ma a ururop ina rakrakon bual?”

Matiu 24:6

Mot in longoro a kum inaim ma a kum inarang na inaim, ikut gong mot lai taru. A kum utna lenri det in nanpat, ikut a ururop ina rakrakon bual kura utmakai.

Matiu 4:23

O Iesu i wan tuptupukus una papor Galili rop, ma i ususer a taro una nundet a kum rumu na lotu. I warawai nama Wakak na Wasiso una matanitu anun o God. Ma i ulangolango pas a taro gusun a kum wur ngas na misait rop.

Matiu 9:35

O Iesu i wan nanan una kum lamlabino tamon ma a kum natnat na tamon rop. Ra i ususer a taro una nundet a kum rumu na lotu, ma i warawai nama Wakak na Wasiso una matanitu anun o God, ma i ulangolango pas a taro gusun a kum wur ngas na misait rop.

A Wakak na Wasiso un o Iesu Karisito o Mak i tumusi 13:10

Din warawai mugu nama Wakak na Wasiso torom a taro tagun a kum gapman rop.

Luk 2:1

Una kilalo ra, o Sisa Augustus, a mugumugu tagun a gapman Rom, i ubek a warkurai sur din tumus a risan a taro rop una kum tamon ra o Rom i warkurai sur det.

Luk 24:47

ma din warawai una risano torom a taro tagun a kum gapman rop, turpasi sapat o Jerusalem. Din warawai torom det lena, det in nukpukus ma o God in unus ru anundet a kum sakino petutna.

Luk 4:5

O Satan i ben pasi sur ara nubual sapat netes, ra i ese tar a kum tamon rop una rakrakon bual tano una nat na du bunglik kut.

Aposel 11:28

Ara tagun det, a risano o Agabus, i tur, ra i wasiso nama dekdekin a Tokodos na Nion. I wasiso mugu taru una labino munurak ra in nanpat una rakrakon bual rop ra i kis utuntudu ina warkurai anun a taro Rom. A munurak ri i wanpat una kilalo ra o Klodius i mugumugu tagun a gapman.

Aposel 17:31

Uni i sa kubus tar a bung, sur in warkurai a rakrakon bual nama tokodos na warkurai. Ma i sa pilok tar a musano ra in pam a warkurai ra. I ukatutur melet pas a musano ra gusun a minat. Una nun a pinapam ra, i ulingmulus pas anun a pipilok torom a taro rop.”

Aposel 17:6

Ikut ka det sio pas der. Ra det dat pas o Jeson ma a ramano taro kai ra det tar tistisino una nurnur, torom a kum mugumugu tagun a tamon ra, ma det kukukuk lena, “A taro ri det pam purpuruon una kum tamon una rakrakon bual, ra uniri, det sa wanpat bulung nin torom dat!

Aposel 19:27

Ra a utna ri in nanpat torom dat, awu sur in ban laulau a wakak na risan anundat a pinapam kut, det in nuk unatino pasi kai a rumu na lotu anun a ino na god anundat, o Artemis, ma det in unatino pas a risano. Uniri a taro Asia rop ma a rakrakon bual kai det lotu torom anundat a ino na god, o Artemis.”

Aposel 20:25

“A tasmani lena mot rop, ra a wan tuptupukus torom mot nama warawai una matanitu anun o God, ka mot in tama melet iau mo.

A Pas anun o Pol torom a taro Rom 10:18

Ikut, a iting lena, pepetlai, a taro Israel ka det longoro i utmakai a Wakak na Wasiso? Det longoro i ut. Elar nami ra di sa tumus tari una Buk Tabu lenri, “A taro taginin upiso det sa longoro in nalngandet. A wasiso ra i sa wan sarara una kum nubual rop una rakrakon bual.” Wkp 19:4

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Ibru 1:6

Ikut, ra o God i tulu ru a mugano Nutunu urin una rakrakon bual, i watungi uni lenri, “I wakak ra a kum ensel rop anun o God det in lotu toromi.” Lo 32:43

Ibru 2:5

A matok na rakrakon bual ra numur in nanpat, ra uniri dat wasiso uni, o God ke ubek tari utuntudu ina warkurai anun a kum ensel.

Tamtama 14:6

Numur a tama pas ara ensel bulung i ro una maino, ra i los a Wakak na Wasiso ra in kis tukum, sur in upuaso i torom a taro ra det kis una rakrakon bual, a taro tagun a kum gapman rop, tagun a kum kamkabo taro rop, tagun a wur ngas na wasiso rop, ma tagun a kum tamon rop.

Tamtama 16:14

Detul a tulu laulau na nion ma detul pam a kum ukinalong ma detul wan tuptupukus sur a kum king tagun a rakrakon bual rop, sur detul in ben tomo det sur a inaim una labino bung anun o God, i ra i dekdek sakit.

Tamtama 3:10

Ra a labino larlar in nanpat una rakrakon bual rop, sur in lar det ra det kis nin upiso, an tamtamabat mot gusun a du bung ra, uni mot mur anung a wasiso sur mot in tur dekdek ra mot taramo a ngunungut.