Matiu 23:23 - Nupela Testamen long tokples Kandas

²³ “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.

Matiu 23:23 ပူးပေါင်းရင်းမြစ်များ

Matiu 12:7

Di sa tumus tari una Buk Tabu lenri, ‘A nem a marmaris, ma ka nem a etabor ra di ser tuni.’ Os 6:6 Ra gunuk mot sa tasman a kukurai ina wasiso ri, ka mot in takun det ra ka det raro.

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 9:13

Mot in nan, ma mot in sisio sur a kukurai ina wasiso ri tagun a Buk Tabu, ‘A nem a marmaris, ma ka nem a etabor ra di ser tuni.’ Os 6:6 Uni ka wanpat sur an kabo pas a kum tene tokodos, awu. A wanpat sur an kabo pas a kum tene sakino.”

Luk 11:42

“In laulau doko torom mot a kum Parisi. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot pam a tokodos na warkurai torom a taro ma ka mot nem o God. I wakak sur mot in pam a tokodos na warkurai torom a taro ma mot in nem o God, ma gong kai mot dumano ru in tektekene tagun a noino, sur mot in pitari torom o God.

Luk 18:12

A ser wewel aru bung un ara wik, ma a ser pitar arara utna tagun ara noino utna ra a pam pat pasi.’