Matiu 20:21 - Nupela Testamen long tokples Kandas

²¹ Ma o Iesu i tingi lena, “Asau ra u nemi?” Ra i balu i lena, “Un mulaot sur aru nutnutung ri, der in kis tomo nam ui una num a matanitu, ara una sot na lamam, ma ara pasander kai una kair, ma motul in warkurai tomo.”

Matiu 20:21 ပူးပေါင်းရင်းမြစ်များ

Matiu 18:1

Una du bung ra, anun a kum nat na ususer det wan torom o Iesu, ma det tingi lena, “Osi ra i labo sakit una matanitu tagisapat una langit?”

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Matiu 20:22

O Iesu i balu i lena, “Ka motul tasman asau ra motul sasaring suri. Pepetlai, in topasi sur mur kai mur in inum tagun a kap na mamaut ra an inum taguni?” Der balu i lena, “Mir in pet lar pasi kut.”

Matiu 20:32

O Iesu i tur sikot, ra i kabo pas der, ma i ting der lena, “Asau ra mur nemi sur an pami un mur?”

A Wakak na Wasiso un o Iesu Karisito o Mak i tumusi 10:51

O Iesu i tingi lena, “Asau ra u nemi sur an pami un ui?” A pulu i balu i lena, “Tene Ususer, a nemi sur an tamtama.”

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

A Wakak na Wasiso un o Iesu Karisito o Mak i tumusi 6:22

Ra kura det wangon, a nutun o Erodias a ino, i ruk ra i lagor umatandet. O Erod ma a taro ra det wangon tomo nami, det gas doko nami. Numur i inanos a toraro ra lena, “Asau ra u nemi tang, an tabor ui nami.”

Luk 18:41

“Asau ra u nemi sur an pami un ui?” I balu i lena, “Labino, a nemi sur an tamtama.”

Luk 19:11

A taro det longoro a kum wasiso ri, ra det nuki lena a matanitu anun o God in nanpat lakit, uni o Iesu i sa milau o Jerusalem. Ra i watungi kai ara wasiso elelar

Luk 22:24

Det engaras sur osi na pasandet din watungi lena, i labo taun det.

A Wakak na Wasiso un o Iesu Karisito o Jon i tumusi 15:7

Ra mot in laun un iau, ma anung a wasiso in laun un mot, mot in saring iau sur tu utna ra mot nemi, ra din pitari ut torom mot.

Aposel 1:6

Ra a kum aposel det kis tomo nam o Iesu, det tingi lena, “Labino, pepetlai, uniri un pitar melet tar a gapman torom met a taro Israel, sur met ut met in tamtamabat met ma met in kis langolango gusun a gapman Rom?”

A Pas anun o Pol torom a taro Rom 12:10

Mot in nem etetalai mot elar nami ra mot nem a kum tistisi mot. Mot in urur etetalai torom mot, ma gong mot nuk pas mot ut.

A Pas anun o Pol torom a taro Rom 8:34

Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat.

Kolosi 3:1

O God i sa ukatutur tomo pas mot nam o Karisito gusun a minat, i mo ra, i wakak sur mot in ubek a kudulano nuknuki mot una kum utna sapat una langit, ra o Karisito i kis iai, una papor sot na laman o God.