Matiu 19:23 - Nupela Testamen long tokples Kandas

²³ Ra o Iesu i watungi tan anun a kum nat na ususer lena, “A inanos mot nama lingmulus, i ngangitin doko torom a tene gongon sur in ruk una matanitu tagisapat una langit.

Matiu 19:23 ပူးပေါင်းရင်းမြစ်များ

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

Matiu 18:3

ma i watungi lena, “A inanos mot nama lingmulus, ra ka mot in nukpukus sur mot in elar nama kum nat liklik, ka mot in ruk lar pas una matanitu tagisapat una langit.

Matiu 19:22

Ra a barman i longoro a wasiso ri, i wan ma ikut ke gasgas, uni i labo doko anun a ululeng.

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Matiu 5:20

Lenra, a watungi tamot, ra anumot a tokodos na petutna ken wakak taun a tokodos na petutna anun a kum tene ususer tagun a Warkurai ma a kum Parisi, mot in lagano ruk una matanitu sapat una langit.

A Wakak na Wasiso un o Iesu Karisito o Mak i tumusi 10:23

O Iesu i ger tuptupukus torom anun a kum nat na ususer ra i watungi tandet lena, “I ngangitin doko torom a kum tene gongon sur det in ruk una matanitu anun o God.”

Luk 18:24

O Iesu i tama i, ra i watungi lena, “I ngangitin doko torom a kum tene gongon sur det in ruk una matanitu anun o God.

A Wakak na Wasiso un o Iesu Karisito o Jon i tumusi 3:3

O Iesu i balu i lena, “A inanos ui nama lingmulus, osi ra ka di usus matoki, ken tama lar pas a matanitu anun o God.”

A Wakak na Wasiso un o Iesu Karisito o Jon i tumusi 3:5

Ra o Iesu i balu i lena, “A inanos ui nama lingmulus, osi ra ka di usus matoki una danim ma una nion, ken ruk lar pas una matanitu anun o God.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

1 Korin 1:26

A kum tistising, mot in nuk pas mot lena mot asi na ngas na taro ra o God i kabo pas mot. Awu sur a susut tagun mot a kum tene mananos umatan a taro. Awu sur a susut tagun mot, mot utur ukai a dekdek sur mot in mugu a taro. Ma awu sur kai a susut tagun mot tagun a kum kabotaro ra det labo umatan a taro.

Jems 2:6

Ikut mot, mot ban umaimai i kut a kum sibo na taro. A kum tene gongon, det ser ukis laulau mot nama dekdek ra det utur ukai i, niko? Ra det dat pas mot sur mot in tur una warkurai.