Matiu 19:22 - Nupela Testamen long tokples Kandas

²² Ra a barman i longoro a wasiso ri, i wan ma ikut ke gasgas, uni i labo doko anun a ululeng.

Matiu 19:22 ပူးပေါင်းရင်းမြစ်များ

Matiu 13:22

A kum pitino ra det puku epotor una kum kuikui, i elar nam ara musano ra i longoro a wasiso, ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, i rau bat a wasiso anun o God, ra ke wu lako wino.

Matiu 14:9

A king i tupunuk doko. Ikut i tulu a kum tene inaim sur det in pam sot a sasaring anun a toraro ra, uni i sa uliliman tari lena asau mukut ra in saringi tano in tabori ut nami, ma a taro ra det kis tomo nami una inangon, det sa longoro tar anun a wasiso.

Matiu 16:26

Osi ra in utur ukai a kum ututna rop taginin una rakrakon bual, ma a niono in iru, in wakak pepetlai toromi? In kul keles a niono nama sau?

Matiu 19:21

O Iesu i balu i lena, “Ra u nemi sur un tokodos mulus, un nan ma un siuru ru anum a kum ululeng rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Matiu 19:23

Ra o Iesu i watungi tan anun a kum nat na ususer lena, “A inanos mot nama lingmulus, i ngangitin doko torom a tene gongon sur in ruk una matanitu tagisapat una langit.

Matiu 6:24

“Katutaio in pet lar pasi sur in papam torom lako ru mugumugu. In nget ara pasander, ma in nem ara pasander, in nem doko ara, ma in rosumur gusun ara. Ka mot in papam lar pas torom o God ma torom a mani kai.

A Wakak na Wasiso un o Iesu Karisito o Mak i tumusi 10:22

I longoro a wasiso ri, ra i tamtama na tumul, ra i wan ma ikut ke gasgas, uni i labo doko anun a ululeng.

A Wakak na Wasiso un o Iesu Karisito o Mak i tumusi 6:26

A king i tupunuk doko. Ikut ke nemi mo sur in ipul, uni i sa uliliman tari lena, asau mukut ra in saringi tano in tabori ut nami, ma a taro ra det kis tomo nami una inangon, det sa longoro tar anun a wasiso.

Luk 18:23

Ra i longoro a wasiso ri i tupunuk doko, uni i a tene gongon sakit.

A Wakak na Wasiso un o Iesu Karisito o Jon i tumusi 16:20

A inanos mot nama lingmulus, mot in tupunuk ma mot in tangis, ikut a rakrakon bual in gas. Mot in tupunuk, ikut numur anumot a tupunuk in tupukus sur a gasgas,

Epeses 5:5

Mot in tasman a utna ri: Det ra det pam a pamuk na petutna, o a kum dur na petutna, o det nem doko a susut na ululeng, ka det in rakon a matanitu anun o Karisito ma anun o God. Uni det ra det nem doko a susut na ululeng, det a kum tene lotu torom a kum torotoro na god, uni a kum ululeng anundet a god.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.