Matiu 18:15 - Nupela Testamen long tokples Kandas

¹⁵ “Ra o tisim i pam a sakino un ui un nan toromi, ma mur kut mur in kis. Ra un watung puaso anun a niraro toromi. Ra in longoro ui, u sa umarom melet pasi.

Matiu 18:15 ပူးပေါင်းရင်းမြစ်များ

Matiu 18:14

Lenkutkai ra, a Tamamot ra i kis sapat una langit, ke nemi sur taio tagun a kum nat liklik ri in iru.

Matiu 18:21

O Pita i wan torom o Iesu, ra i tingi lena, “Labino, an man iso u dumano ru a sakino ra o tising i pami un iau? Lako wonom mawit na dino ut?”

Matiu 18:35

“Ra ka mot in dumano ru a sakino petutna ra a kum tistisi mot det pam tari un mot, o Tita ra i kis sapat una langit in pami kai lenra torom mot taktakai.”

A Pas anun o Pol torom a taro Rom 12:21

Gong u madek tar a sakino sur in winim pas ui. Un winim pas a sakino nama wakakino.

1 Korin 8:12

Ra mot pam a sakino lenra torom tu tisindat, sur in pam a utna ra a nuknukino in takuni uni, mot pam a sakino torom o Karisito.

2 Korin 7:12

Numugu a tumtumus torom mot, awu sur i kibino una musano ra di pam a sakino toromi, ma awu sur i kibino kai una musano ra i pam a sakino, awu. A tumtumus sur mot in tama lele pas anumot a tuntunur tomo nam met umatan o God.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Kolosi 3:13

Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna.

1 Tesalonaika 4:6

Gong tu pasamot i pam a sakino una ino anun tu tisino ra i nurnur. Ra in pami lenra i usobor o tisino. Metul sa watung tari, ma metul sa utumarong tar mot lena, a Labino in pitar a warkurai na minabalu torom det, ra det ser pam a kum petutna lenri.

2 Tesalonaika 3:15

Ikut gong mot tama i elar nam anumot a ebar, mot in utumarong pasi kut elar nama tisimot.

Taitus 3:10

Ra taio in ser pagol a taro na nurnur, un wasiso na utumarong toromi sur in mana. Ra ken longoro ui, un wasiso na utumarong melet toromi. Ra ken longoro mo, un nan gisen gusuni.

1 Pita 3:1

Lenkutkai ra, mot a kum nolin na wardain, mot in unatino pas mot torom anumot a kum musano. Ra a ramano tagun det ka det nurnur una wasiso anun o God, a wakak na magiramot kut in wasiso torom det. A magiramot in ben pas det torom o God,