Matiu 16:18 - Nupela Testamen long tokples Kandas

¹⁸ Ra a watungi tam lena, ui o Pita, a wat kis. An utur anung a taro na lotu una wat ri. A dekdekin a minat ken winim pas anung a taro na lotu.

Matiu 16:18 ပူးပေါင်းရင်းမြစ်များ

Matiu 10:2

Iri a kum risan a noino ma aru aposel: A mugano, o Saimon ara risano kai o Pita, dersino nam o Endru, o Jems ma o Jon dersino, aru nutnutun o Sebedi,

Matiu 11:23

Ma mot kai a taro Kapernaum, pepetlai, mot nuki lena din ulabo pas mot usapat netes? Awu, din woro pirso ru mot kut una labino sungun. Gunuk ra di sa pam tar a kum utna na ukisin torom a taro Sodom, elar nami ra di sa pam tari torom mot, kanapi o Sodom kuri utmakai i.

Matiu 18:17

Ra ken longoro der, un upuaso i torom a taro na lotu. Ra ken longoro i bulung a taro na lotu, i wakak sur un tama i elar nam o naro ra awu sur a tene nurnur, o elar nam o naro ra a tene los takis.

Matiu 4:18

Ara bung o Iesu i usal una usalin ina du tasi Galili, ra i tama pas o Saimon, di watungi kai nam o Pita, ma o tisino o Endru. Der woro a uben sa utasi, uni der aru tene woro uben.

Matiu 7:24

“I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat.

A Wakak na Wasiso un o Iesu Karisito o Jon i tumusi 1:42

O Endru i ben pas o Saimon torom o Iesu. O Iesu i tama i, ra i watungi tano lena, “Ui o Saimon, a nutun o Jon, din watung ui nam o Kepas.” (Una wasiso Grik di watungi nam o Pita, a kukuraino a wat.)

Aposel 2:47

Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

Aposel 20:28

“Mot in tamtamabat wakak taru un mot, ma a kum sipsip kai, ra a Tokodos na Nion ut i sa pitar tari torom mot sur mot in tamtamabat det. Mot in tamtamabat a taro na lotu anun o God, ra i sa kul pas det nama gapino ut.

Aposel 8:1

Ra o Sol i mulaot sur din um doko o Stiwen. Una bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut.

1 Korin 15:55

“A minat, awai mi a dekdekim? A minat, awai mi anum a minibir ra u ser bir laulau a taro nami?” Os 13:14

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.

Epeses 3:10

Ikut uniri, i pami lenri torom a taro na lotu, sur in upuaso anun a labino mananos torom a kum nion, det ra det mugumugu ma det ra det utur ukai a warkurai una langit.

Epeses 5:32

A wasiso ri ra i kis eno, a labino kukuraino. I wasiso un o Karisito ma a taro na lotu.

Kolosi 1:18

I ut in lorin a taro na lotu, ma det a pinino. I a turturkibin anundet a nilaun, ma a mugano ra i katutur melet gusun a minat, sur i ut in labo sakit taun a kum utna rop.

1 Timoti 3:15

Ra kan nanpat lakit, u sa tasman a kum ngas na petutna ra a taro anun o God det in pami epotor tandet. A taro na lotu anun o God, ra i laun, det elar nama pos ma a kibin a rumu ra i udekdek a lingmulusino.

1 Timoti 3:5

A musano ra ke lason sur in mugu wakak det tamtamano, ken pet lar pasi kai sur in tamtamabat a taro na lotu anun o God.

Ibru 12:28

Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,

Tamtama 11:15

A ururop tagun a wonom mawit na ensel i wup anun in tuwuru, ra a susut na labino walngan a taro sapat una langit det watungi lena, “A gapman tagun a rakrakon bual i sa tupukus sur a matanitu mo anun anundat a Labino ma anun o Karisito. O Karisito anun a Labino. Ma anundat a Labino in kis na king tukum, ken rop ma ken rop.”

Tamtama 21:14

In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.