Matiu 14:19 - Nupela Testamen long tokples Kandas

¹⁹ Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.

Matiu 14:19 ပူးပေါင်းရင်းမြစ်များ

Matiu 14:18

I watungi tandet lena, “Mot in losi urin torom iau.”

A Wakak na Wasiso un o Iesu Karisito o Mak i tumusi 6:39

Ra o Iesu i tulu anun a kum nat na ususer sur det in tibo susuaro a taro sur det in kis unin wuliso.

A Wakak na Wasiso un o Iesu Karisito o Mak i tumusi 6:41

Ra o Iesu i los pas a limanin beret, ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer sur det in tibo a taro nami. I tibo det rop kai nam arin kiripo.

A Wakak na Wasiso un o Iesu Karisito o Mak i tumusi 7:34

I tatado usapat una langit, i los wuwu pas, ra i watungi tano lena, “Epata!” a kukuraino lena: “Un papos!”

Luk 22:17

O Iesu i los pas a kap ma i watung wakak pas uni, ra i watungi tandet lena, “Mot in los pas a kap ri, ma mot rop mot in inum taguni.

Luk 22:19

Ra i los pas a beret, i watung wakak pas uni, i tibiki, ma i tabor det nami, ra i watungi lena, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Luk 24:30

Ra detul kis sur detul in nangon, o Iesu i los pas a beret, i watung wakak pas uni, i tibik pasi, ma i tabor der nami.

Luk 9:14

A kunur na taro ra, a niluluk ina kum musano kut i elar nama limo na arip. I watungi tan anun a kum nat na ususer lena, “Mot in tulu det sur det in kis tomo a limlimo na noino det.”

Luk 9:16

O Iesu i los pas a limanin beret ma arin kiripo, i tamtama usapat una langit, i watung wakak pas torom o God uni, i tibiki ra i pitari tan a kum nat na ususer, sur det in tibo a taro nami.

A Wakak na Wasiso un o Iesu Karisito o Jon i tumusi 11:41

I mo ra det bulus ru a wat. O Iesu i tatado usapat netes, ra i watungi lena, “Tita, a watung wakak torom ui, uni u sa longoro iau.

A Wakak na Wasiso un o Iesu Karisito o Jon i tumusi 6:23

A ramano kum pot tagitong o Taiberias det sot milau una nubual ra a Labino i watung wakak una beret, ma a kunur na taro det wangon iai.

Aposel 27:35

Ra o Pol i sa watung tari lenri, i los pas a beret, i watung wakak pas uni torom o God umatandet rop, i tibiki, ra i wangon.

A Pas anun o Pol torom a taro Rom 14:6

O naro ra i nuki lena, ara bung i labo, a nuknukino i lenra, sur in ulabo pas a Labino. Ma o naro ra i ser wan a kum utna rop, i pami sur in ulabo pas a Labino, uni i ser watung wakak torom o God. Ma o naro kai, ra i ser wani kut a kum utna ra di maruti, i pami kai, sur in ulabo pas a Labino, ra i ser watung wakak torom o God.

1 Korin 10:16

Ra dat inum tagun a kap ra di sa watung wakak pas uni torom o God, dat takai mukut nam o Karisito, una gapino. Ma ra dat wangon tagun a beret ra dat tibiki, dat takai mukut nam o Karisito, una pinino.

1 Korin 10:31

Lenra, ra mot wangon, o mot inum, o tu ngas na utna kai mot pami, mot in pami sur mot in ulabo pas o God nami.

1 Korin 11:24

Ra i sa watung wakak pas uni, i tibiki, ma i watungi lenri, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.