Matiu 13:36 - Nupela Testamen long tokples Kandas

³⁶ Numur o Iesu i wan gusun a kunur na taro, ra i ruk una rumu. Anun a kum nat na ususer det ruk toromi ma det inanosi lena, “Un palos a kukurai ina wasiso elelar ri tamet una karapa ra i lubung ubalan a kinobot.”

Matiu 13:36 ပူးပေါင်းရင်းမြစ်များ

Matiu 13:1

Una bung ra, o Iesu i pirso gusun a rumu ra i wan ma i kis tiro una usalin ina du tasi Galili.

Matiu 13:11

Ma i balu det lena, “O God i sa pitar tar a mananos tamot, sur mot in talapor una kum wasiso na pidik una matanitu tagisapat una langit. Ikut, ke pitari torom a taro rop.

Matiu 13:18

“Mot in longoro a kukurai ina wasiso elelar ina tene minarut.

Matiu 13:25

Ra a taro det inep, anun a ebar i wanpat ra i sapro tar a kum pitino karapa ubalan a kum wit, ra i wan.

Matiu 14:22

Uniutra, o Iesu i tulu ru anun a kum nat na ususer, sur det in kas una pot, ma det in mugu utong sur ara papor tasi. Ma i, i kis utmakai sur in tulu ru tar a taro.

Matiu 15:39

Numur o Iesu i tulu ru a kunur na taro, i kas pas una pot, ra i wan sur a papor Magadan.

Matiu 9:28

Ra i ruk una rumu, aru pulu der wan toromi, ma i ting der lena, “Pepetlai, mur nurnur ut un iau sur an pam sot pas a utna ri?” Der balu i lena, “Ma, Labino.”

A Wakak na Wasiso un o Iesu Karisito o Mak i tumusi 4:34

Ke wasiso torom det nam tu se wasiso, a wasiso elelar rop kut. Ikut, ra i mukut tomo nam anun a kum nat na ususer det kis, i utalapori maragom a kukurai ina kum wasiso elelar.

A Wakak na Wasiso un o Iesu Karisito o Mak i tumusi 6:45

Uniutra, o Iesu i tulu ru anun a kum nat na ususer, sur det in kas una pot, ma det in mugu utong o Betsaida una ara papor tasi. Ma i, i kis utmakai sur in tulu ru tar a taro.

A Wakak na Wasiso un o Iesu Karisito o Mak i tumusi 7:17

O Iesu i wan gusun a kunur na taro, ma i ruk una rumu. Anun a kum nat na ususer det tingi una wasiso elelar ri.

A Wakak na Wasiso un o Iesu Karisito o Mak i tumusi 8:9

A kum ino tomo nama kum nat liklik ma a kum musano, det rop det wangon. A niluluk ina kum musano kut, i elar nama wat na arip. Ra numur o Iesu i tulu ru det.