Matiu 13:23 - Nupela Testamen long tokples Kandas

²³ Ikut a kum pitino ra det lubung sapat una wakak na piso, det elar nam ara musano ra i longoro a wasiso, ma i mananos uni. In wu ara mar, o a wonom na noino, o a tulu noino wino.”

Matiu 13:23 ပူးပေါင်းရင်းမြစ်များ

Matiu 12:33

“In wakak na duwai, i ser wu a wakak na wino, ma in laulau na duwai, i ser wu a laulau na wino. Din tama lele in nanai tagun a wino.

Matiu 13:8

Ikut a ramano kum pitino kai det puku una wakak na piso ra det wu. A ramano det wu ara mar na windet, a ramano kai a wonom na noino, ma a ramano a tulu noino.

Matiu 3:10

Di sa ubek tar a nawu nisan a kum kibino duwai, ma a kum duwai rop ra ka det wu lako wakak na windet, din tau ru det, ma din woro tar det una sungun.

Matiu 3:8

Mot in pam a kum utna ra in upuaso i lena, mot sa nukpukus.

A Wakak na Wasiso un o Iesu Karisito o Mak i tumusi 10:15

A inanos mot nama lingmulus, osi ra ken ruk una matanitu anun o God elar nama natlik, ken ruk lar pas.”

A Wakak na Wasiso un o Iesu Karisito o Mak i tumusi 4:20

Ikut a ramano taro det elar nama kum pitino, ra det lubung sapat una wakak na piso. Det longoro a wasiso ma det muri, ra det wu. A ramano det wu a tulu noino, a ramano a wonom na noino, ma a ramano ara mar na windet.”

Luk 13:9

Ra in wu una kilalo sapat, in wakak. Ra awu, un tau ru i mo.’”

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

Luk 8:8

A ramano kum pitino kai det puku una wakak na piso. Det lubung pat ra det wu. Tektekene i wu ara mar na wino.” Ra i sa watung tar a kum wasiso ri tandet, i watungi lena, “Osi ra arin talngano kura, i wakak sur in longoro nami.”

A Wakak na Wasiso un o Iesu Karisito o Jon i tumusi 15:16

Awu sur mot pilok pas iau, iau ut a pilok pas mot. Ra a pitar a pinapam tamot sur mot in nan ma mot in wu a wimot, ma a wimot in kis tukum. Ma o Tita in tabor mot nama sau ra mot sasaring suri nama risang.

A Wakak na Wasiso un o Iesu Karisito o Jon i tumusi 8:47

Osi ra anun o God, i ser longoro a kum wasiso anun o God. Ikut mot, ka mot longoro i, uni awu sur mot anun o God.”

Aposel 16:14

Ara ino tagun det ra det longoro met, a risano o Lidia, a ino tagitong o Taiataira, a tene siuru pepol na malu ma a tene lotu torom o God. Ra a Labino i pukus pas anun a nilaun sur in mur a kum wasiso ra o Pol i watungi.

Aposel 17:11

Det ri det wakak tandet tong o Tesalonaika, uni det rakon a wasiso ri nama gasgas, ma det luk wakak a kum wasiso tagun a Buk Tabu una kum bung rop, sur det in tama a wasiso anun o Pol, ra i lingmulus o awu.

2 Korin 9:10

O God in tabor mot nama kum utna sur mot in pam a wakak na pinapam nami, elar nami ra i ser tabor a taro nama utna ra det in maruti ma a utna kai ra det in nani. Ma numur mot in pasong a susut na utna tagun anumot a tokodos na petutna.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

Pilipai 4:17

Awu sur anumot a etabor ra a ling suri. A nemi kut sur mot in los a ikul kura numur una numot a wakak na pinapam ra.

Kolosi 1:10

Mir wararing lenri, sur anumot a nilaun in elar nama petutna anun a Labino, ra mot in ser pam a kum utna ra in gas uni. Ra in lenra, anumot a nilaun in wu a wimot una kum wakak na pinapam rop ra mot in pami, ma mot in lubung una numot a tastasman un o God.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

1 Tesalonaika 4:1

A kum tistisi metul, metul sa ususer tar mot una ngas na nilaun ra mot in laun nami sur in ugasgas o God, lar ut ra mot sa muri. Ra uniri metul saring mot, ma metul udekdek mot una risan a Labino o Iesu, sur anumot a nilaun in lubung dekdek lenutra.

2 Tesalonaika 2:10

Una kum ngas na sakino rop ra in pami, in toro a taro ra det wanan sur a iniru. Det in iru, uni ka det mulaot sur det in nem a lingmulusino, sur o God in ulaun det.

Ibru 4:2

Uni dat kai dat sa longoro tar a Wakak na Wasiso elar nama kum tumtubun dat tagun numugu. Det longoro tari ut, ikut ke warut det, uni ka det nurnur uni.

Ibru 6:7

A piso ra i inum pas a polono bato ra i ser puku, ma i pitar a utna na inangon ra i warut det ra det marut tari, a piso ra o God i udani.

Ibru 8:10

A Labino i watungi lena: Iri a kunubus ra an pami tomo nama taro Israel, una kum bung numur. An ubek tar anung a kum warkurai una nuknukin det, ma an tumus tari unin balandet. Ma iau a God anundet, ma det anung a taro.

2 Pita 3:18

I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.

1 Jon 5:20

Dat sa tasmani kai lena, a Nutun o God i sa wanpat, ra i tabor tar dat nama mananos, sur dat in tasman o God ra i lingmulus. Dat laun un o God ra i lingmulus, uni dat laun un o Nutunu, o Iesu Karisito. Ma i, a God ra i lingmulus, ma a nilaun tukum.