Matiu 12:44 - Nupela Testamen long tokples Kandas

⁴⁴ Ra in watungi lena, ‘An milet melet sur anung a rumu, ra a sa pirso pas gusuni.’ Ra in nanpat, in tama i ra i sa belbel, di sa surupu tari, ma di sa ukodos tari.

Matiu 12:44 ပူးပေါင်းရင်းမြစ်များ

Matiu 12:29

“Kataio in pet lar pasi sur in ruk una rumu anun tu dekdek na musano, ma in los pas a kum utna tagitiro una nun a rumu, ra ken ker ukai mugu tari. Ra ut in ker ukai mugu tari, in los a kum utna maragom anun a musano ra.

Matiu 12:43

“Ra tu laulau na nion in pirso pas gusun tu musano, in nan una kum nubual ra kalako danim iai, sur in mana, ikut ken sio pas tu nubual sur in mana uni.

Matiu 12:45

Numur in nan ra in ben melet pas a wonom mawit na laulau na nion, ra det laulau sakit tano, ma det in ruk rop taru una rumu ra, ma det in kis uni. Ma a nilaun anun a musano ra in laulau sakit taun a nilaun ra numugu i utur ukai i. In lenkutkai ra torom a laulau na taro tagun uniri.”

Luk 11:25

Ra in nanpat, in tama i ra di sa surupu tari, ma di sa ukodos tari.

A Wakak na Wasiso un o Iesu Karisito o Jon i tumusi 12:6

O Judas ke maris a sibo na taro, awu. I watungi lenri uni i ser tamtamabat anundet a mani ma i ser los eno i, uni i a tene wolong.

A Wakak na Wasiso un o Iesu Karisito o Jon i tumusi 13:2

Una mirum, o Iesu tomo nam anun a kum nat na ususer det wangon tomo. Numugu tan anundet a inangon, o Satan i sa unuk tar o Judas Iskariot, a nutun o Saimon, sur in usobor tar o Iesu.

A Wakak na Wasiso un o Iesu Karisito o Jon i tumusi 13:27

O Judas i rakon pas a du beret gusun o Iesu, ra o Satan i ruk taru mut uni. Ra o Iesu i watungi tan o Judas lena, “A utna ra u nem na pami, un pam lakiti.”

1 Korin 11:19

Uni a taro na lotu det in taptapagol ut, sur din tama lele det ra det tokodos ma det kai ra det raro.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

1 Jon 2:19

A kum ebar anun o Karisito, numugu det kis tomo nam dat, ikut det sa pirso pas gusun dat, uni awu sur det mulus tagun dat. Ra gunuk det mulus ut tagun dat, det in kis tukum nisan dat. Ikut, ra det sa wan gusun dat, i ese i lena, awu sur det tagun dat.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.