Matiu 12:31 - Nupela Testamen long tokples Kandas

³¹ Ra a watungi tamot lena, din unus ru a kum sakino petutna rop anun a taro, ma anundet a kum sakino wasiso kai un o God, ikut ra det in wasiso laulau una Tokodos na Nion ka din unus lar pasi.

Matiu 12:31 ပူးပေါင်းရင်းမြစ်များ

Luk 12:10

Det ra det in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi.

Aposel 7:51

Ra o Stiwen i watungi tan a taro na kiwung lena, “Mot a kum tene pitarngat mot, a balamot i bakbak gusun o God ma a talngamot i kutkut. Mot turbat liklik a Tokodos na Nion, elar nama kum tumtubu mot tagun numugu det ser pami.

Ibru 10:26

Ra dat sa tasman mulus a lingmulusino, ikut dat muri ut a nemnem anundat sur dat in pam a sakino petutna, katu etabor melet mo sur in unus ru a kum sakino petutna.

Ibru 10:29

Ikut a warkurai na minabalu in dekdek sakit taun a minabalu ra, torom taio ra in pas tataun a Nutun o God, ma i nuki lena a gapin a kunubus, ra di sa rus talapor tari nami, i a utna oros kut, ma i watung laulau a Tokodos na Nion ra i pitar a marmaris.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

1 Jon 1:9

Ra dat watung puaso anundat a kum sakino petutna, o God ut i tokodos, ma in pam sot pas anun a liliman, ma in unus ru anundat a kum sakino petutna, ma in utalapor dat gusun a kum petutna ra ke tokodos.

1 Jon 5:16

Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat.