Matiu 12:27 - Nupela Testamen long tokples Kandas

²⁷ Ra iau an lakro ru a kum laulau na nion nama dekdekin o Belsebul, anumot a taro det ser lakro ru a kum laulau na nion nama dekdekin osi? Anundet a pinapam ut in upuaso i lena, anumot a etakun ke lingmulus.

Matiu 12:27 ပူးပေါင်းရင်းမြစ်များ

Matiu 10:25

I topasi sur a nat na ususer in elar kut nam anun a tene ususer ma a tultul in elar nam anun a labino. Ra di sa watung iau nam o Belsebul, mot kai ra mot kis tomo nam iau, din watung mot nama kum rising i sakino taun a rising ri.

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Matiu 9:34

Ikut a kum Parisi det watungi lena, “I ser lakro ru a kum laulau na nion nama dekdekin a labino anun a kum laulau na nion.”

Luk 11:19

Ikut, ra iau, an lakro ru a kum laulau na nion nama dekdekin o Belsebul, anumot a taro, det ser lakro ru a kum laulau na nion nama dekdekin osi? Anundet a pinapam ut in upuaso i lena anumot a etakun ke lingmulus.

Luk 19:22

A labino i watungi tano lena, ‘Ui a laulau na tultul, an warkurai ui elar nama num a wasiso ut. U sa tasman tari lena iau a tene ngalngalia. A ser los a utna ra awu sur a ubek tari, ma a pasong a utna ra ka marut tari.

A Pas anun o Pol torom a taro Rom 3:19

Dat tasmani lena, asau ra a warkurai i wasiso uni, ke wasiso una taro ra awu sur a taro Juda kut, i wasiso una taro Juda utkai, ra det kis utuntudu ina kum Warkurai. I mo ra, a taro rop tagun a rakrakon bual det in tur na warkurai umatan o God, ma kataio in ipul lar pas.