Matiu 11:13 - Nupela Testamen long tokples Kandas

¹³ A kum poropet ma a Warkurai anun o Moses det upuaso a wasiso anun o God, tuk una kilalo ra o Jon i turpas anun a pinapam uni.

Matiu 11:13 ပူးပေါင်းရင်းမြစ်များ

Matiu 11:12

“Turpasi una kilalo ra o Jon a Tene Baptaiso i turpas a warawai ma tuk uniri, a matanitu tagisapat una langit i dekdek sur in lubung, ma a dekdek na taro det dekdek doko nama inaim sur det in turbati.

Matiu 11:14

Det wasiso una poropet Elaija ra in nanpat. Ra mot nem na nurnur una wasiso ra, uniri, o Jon i sa pam sot pasi, uni i a poropet Elaija ra in nanpat.

Luk 24:27

Turpasi una kum buk anun o Moses ma a kum poropet rop, o Iesu i papalos torom der una kum utna, ra di sa tumus tari uni ut, una Buk Tabu.

Luk 24:44

Ma i watungi tandet lena, “Ra a kis utmakai tomo nam mot, a sa inanos tar mot lenri: A kum utna rop ra di sa tumus tari un iau, una Warkurai anun o Moses, una wasiso anun a kum poropet ma una Kum Kelekele anun o Dewid din pam sot rop pasi.”

Aposel 13:27

A taro ra det kis sapat o Jerusalem, tomo nam anundet a kum mugumugu, ka det tama lele o Iesu, lena i a Tene Ulaun, ma ka det tasman a kum wasiso ra a kum poropet det sa tumus tari, ra di ser luki una kum Bung na Sabat. Ikut ra det mulaot tar o Iesu sur in mat, det pam sot pas a wasiso anun a kum poropet.

A Pas anun o Pol torom a taro Rom 3:21

Ikut uniri, o God i sa pam tar a kisapi sur a taro det in tokodos umatano, ma awu sur uni det mur a kum Warkurai. A kisapi ri, a Buk na Warkurai ma a wasiso anun a kum poropet det sa wasiso puaso taru uni.