Matiu 10:7 - Nupela Testamen long tokples Kandas

⁷ Ra mot nan, mot in warawai nanan lenri, ‘A matanitu tagisapat una langit i sa milau.’

Matiu 10:7 ပူးပေါင်းရင်းမြစ်များ

Matiu 10:8

Mot in ulangolango pas a kum misait, ma mot in ulaun pas a kum minat, mot in ulangolango pas a kum lepra, ma mot in lakro ru a kum laulau na nion. Di tabor oros mot kut, lenkai ra, mot in etabor oros kut.

Matiu 11:1

Ra o Iesu i sa wasiso rop taru torom anun a noino ma aru nat na ususer, i wan tagitiro sur in ususer a taro ma in warawai una kum tamon, tong una papor Galili.

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Matiu 21:43

I mo ra a watungi tamot lena, din rakon ru a matanitu anun o God gusun mot, ma din pitari tan ara taro ra det in wu a wakak na windet.”

Matiu 23:13

O Iesu i watungi lena, “In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot tagar bat a taro sur gong det ruk una matanitu tagisapat una langit. Ma mot ut, ka mot ruk uni, ma ka mot mulaot a taro ra det nem na ruk, sur det in ruk.

Matiu 3:2

ra i watungi lena, “Mot in nukpukus, uni a matanitu tagisapat una langit i sa milau.”

Matiu 4:17

Turpasi una kilalo ra, o Iesu i warawai lena, “Mot in nukpukus, uni a matanitu tagisapat una langit i sa milau.”

A Wakak na Wasiso un o Iesu Karisito o Mak i tumusi 6:12

Ra det wan ma det warawai torom a taro, sur det in nukpukus.

Luk 16:16

“A kum Warkurai ma a kum etowo anun a kum poropet i tuk taru ut un o Jon. Turpasi una kilalo ra, di warawai nama Wakak na Wasiso una matanitu anun o God ma a taro rop det raras sur det in ruk uni.

Luk 9:2

Ma i tulu ru det sur det in warawai una matanitu anun o God, ma det in ulangolango pas a kum misait.

Luk 9:6

A kum nat na ususer det wan tuptupukus una kum tamon, det warawai nama Wakak na Wasiso, ma det ulangolango pas a taro una kum tamon rop.

Luk 9:60

Ikut o Iesu i watungi tano, “Un madek ru a kum minat det in por anundet a kum minat. Ikut ui, un nan ma un warawai nama matanitu anun o God.”

A Wakak na Wasiso un o Iesu Karisito o Jon i tumusi 3:2

I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”

Aposel 10:25

Ra o Pita i ruk, o Konelias i wan barato i, ma i kis butkeke taru nama urur nisano, ra i lotu toromi.

Aposel 28:31

Ra i ser warawai una matanitu anun o God, ma i ser ususer a taro una Labino o Iesu Karisito, ma ke ngara, ma kataio kai i turbati.

Aposel 4:2

Det kankan torom der, uni der ususer a taro un o Iesu, ma der warawai nami lena i sa laun melet gusun a minat, lenkutkai ra a taro det in laun melet.