Matiu 10:20 - Nupela Testamen long tokples Kandas

²⁰ Awu sur mot ra mot in wasiso, a Nion a Tamamot ut in unuk tar mot nama sau ra mot in watungi.

Matiu 10:20 ပူးပေါင်းရင်းမြစ်များ

Matiu 6:32

Uni a taro ra ka det nurnur, det ser dekdek sur a kum utna rop ri, ikut a Tamamot ra i kis sapat una langit i tasmani lena, mot sibo sur a kum utna rop ri.

A Wakak na Wasiso un o Iesu Karisito o Mak i tumusi 12:36

A Tokodos na Nion i mugu o Dewid ra i watungi lena, ‘A Labino i watungi torom anung a Labino lena, “Un kis una papor sot na lamang, tuk ra an winim pas anum a kum ebar sur det in kis utuntudu in anum a warkurai.” ’ Sng 110:1

Luk 11:13

Mot a laulau na taro, ikut mot tasmani ut a wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama Tokodos na Nion.”

Luk 12:12

Uni una du bung ut ra, a Tokodos na Nion ut in ususer mot un asau ra mot in watungi.”

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Aposel 13:9

Ra o Sol ra di watungi kai nam o Pol, i bukus nama Tokodos na Nion, i tama dekdek o Elimas,

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

Aposel 4:8

O Pita i bukus nama Tokodos na Nion, ra i watungi tandet lena, “Mot a kum mugumugu anun a taro ma a taro na kiwung kai,

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

2 Korin 13:3

An wasiso lenri, uni mot nemi sur an ese i lena, o Karisito i wasiso torom mot nama anung a wasiso. O Karisito a pinino ke ser ngoro, awu, i ser papam nisamot nama dekdek.

1 Tesalonaika 2:13

Ara kibino kai ra metul ser watung wakak torom o God i lenri: Ra mot rakon ukai a wasiso anun o God, ra mot longoro i ta metul, mot mulaot pasi. Awu sur mot mulaot pasi elar nama wasiso kut anun a taro, awu, mot mulaot pasi uni a wasiso ra, i a wasiso ut anun o God. A wasiso ra, kura i papam una nilaun anumot ra mot sa nurnur.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

2 Pita 1:21

Uni katu wasiso na poropet i wanpat kut tagun a nuknukin tu musano, awu. A Tokodos na Nion ut, i mugu a taro ra det wasiso nama wasiso tan o God.