Luk 9:39 - Nupela Testamen long tokples Kandas

³⁹ A laulau na nion i ser solsolongi, ma a nat i ser kisin ma i kukukuk. A laulau na nion i ser gunu dekdeki, ma a wano i ser busu. A laulau na nion ke wan gusuni, ma i ungungut laulau a pinino.

Luk 9:39 ပူးပေါင်းရင်းမြစ်များ

A Wakak na Wasiso un o Iesu Karisito o Mak i tumusi 9:18

A laulau na nion ri i ser solsolongi, i ser woro puku i utiro upiso. A wano i ser busu ma i ser ungingit a kabo lokono ma i ser udekdek a pinpinino. A saring anum a kum nat na ususer sur det in lakro ru a laulau na nion gusuni, ikut ka det pet lar pasi.”

A Wakak na Wasiso un o Iesu Karisito o Mak i tumusi 9:20

Det beni torom o Iesu. Ra a laulau na nion i tama pas o Iesu, uniutra i woro pirso tar a natlik. Ra a natlik i puku piso, i tubulus tuptupukus, ma i busubusu a wano.

A Wakak na Wasiso un o Iesu Karisito o Mak i tumusi 9:26

A laulau na nion i woiwoi pas, i gunu dekdek tar a natlik, ra i pirso gusuni. A natlik ra, i tamtama mukut elar nama minat, ma a susut na taro det lena i sa mat.

Luk 4:35

O Iesu i sakbati lena, “Gong u wasiso! Pirso gusun a musano ra!” Ma a laulau na nion i woro pirso tari epotor tandet rop, i pirso gusuni, ma katu du pinino i laulau.

Luk 8:29

I wasiso lenri, uni o Iesu i sa wasiso dekdek taru torom a laulau na nion sur in pirso gusun a musano ri. A susut na dino a laulau na nion i solsolongi. A taro ra det ser tamtamabati, det ser ker ukai aru lamano ma aru kikino nama sen, ikut i ser rubut det kut, ma a laulau na nion i ser ungongos pasi usapat una kum nubual kalako taro uni.

Luk 9:38

Ra ara musano tagun det i kakabo lena, “Tene Ususer, a saring ui sur un tama o nutunglik a nat musano, i ara sot kut.

Luk 9:40

A saring anum a kum nat na ususer sur det in lakro ru i, ikut ka det pet lar pasi.”

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.