Luk 8:35 - Nupela Testamen long tokples Kandas

³⁵ Ra a taro det wan sur det in tama asau ra i wanpat. Det wanpat torom o Iesu, det tama a musano ra a kabo liur na laulau na nion det pirso pas gusuni. Kura mukut i kis taru nisan aru kikin o Iesu, i sa pipis pas ma a nuknukino i sa talapor melet. Ma a taro ra det ngara doko.

Luk 8:35 ပူးပေါင်းရင်းမြစ်များ

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

A Wakak na Wasiso un o Iesu Karisito o Mak i tumusi 5:15

Ra det wanpat torom o Iesu, det tama a musano ra a kabo liur na laulau na nion numugu det sisiop taru uni. Kura mukut i kis taru, i sa pipis pas ma a nuknukino i sa talapor melet. Ma a taro ra det ngara doko.

Luk 10:39

Ma ara tisino kai, a ino, a risano o Maria, i kis nisan aru kikin a Labino, ma i longoro anun a wasiso.

Luk 15:17

“Ra a wakak na nuknuk i wanpat melet toromi, i watungi lena, ‘A kum tultul rop anun o tita det wangangon ma det masmasur pas kut gusun a kum utna. Ikut iau, kuri a mat nama munurak!

Luk 2:46

Ra der sa sisio pas a tulu bung, der tama torom pasi ubalan in noworo ina rumu na etabor. I kis tomo nama kum tene ususer tagun a Warkurai, i longoro det, ma i ting det.

Luk 8:27

Ra o Iesu i sirok gusun a pot, ara musano tagun a tamon ra i wan barato i. A kum laulau na nion kura uni. I sa suano i, ma ke ser pipis, ma ke kis kai un tu rumu, i ser kis kut una kum kulam na minat.

Luk 8:34

A taro ra det ser tabor a kabo liur na boro, det tama a utna ri, det kalabor ma det inanos tiro utamon ma tiro utkai una kum natnat na tamon.

Aposel 22:3

“Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.