Luk 8:33 - Nupela Testamen long tokples Kandas

³³ Ma a kum laulau na nion det pirso gusun a musano ra, ma det ruk taru una kum boro. A kum boro det kalabor pirso una palis sur a du tasi, ra det kongo rop.

Luk 8:33 ပူးပေါင်းရင်းမြစ်များ

Matiu 8:32

O Iesu i watungi tandet lena, “Mot wan!” Ra a kum laulau na nion det pirso gusun aru musano ra, ma det ruk taru una kum boro. A kum boro det kalabor pirso una palis sur a du tasi, ra det kongo rop.

Luk 5:1

Ara bung o Iesu i tur nago na usalin una du tasi Genesaret, a taro det tur talilis bat pasi, sur det in longoro a wasiso anun o God.

Luk 8:32

A kabo liur na boro kura det wangon tiro una tangai. Ra a kum laulau na nion det saring o Iesu sur det in ruk taru una kum boro. Ra i mulaot ru det.

Luk 8:34

A taro ra det ser tabor a kabo liur na boro, det tama a utna ri, det kalabor ma det inanos tiro utamon ma tiro utkai una kum natnat na tamon.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.