Luk 8:31 - Nupela Testamen long tokples Kandas

³¹ Ma det saring o Iesu sur gong i tulu ruk tar det unin labino tung ra katu tuktukino.

Luk 8:31 ပူးပေါင်းရင်းမြစ်များ

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Luk 8:28

Ra i tama pas o Iesu, i kukukuk, ma i puku pirso taru nisan aru kikino, ma i kukukuk namin labino walngano lena, “Iesu, a Nutun o God a Labino Sakit, asau ra u nem na pami un iau? A saring ui, gong u ukadik iau.”

Luk 8:32

A kabo liur na boro kura det wangon tiro una tangai. Ra a kum laulau na nion det saring o Iesu sur det in ruk taru una kum boro. Ra i mulaot ru det.

A Pas anun o Pol torom a taro Rom 10:7

Ma gong mot nuki lena: “Osi in nan pirso sur a tamon anun a kum minat?” I lenra mot nemi sur mot in ben toto pas o Karisito gusun a minat.

Tamtama 11:7

Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der.

Tamtama 17:8

A kuabor na wewegua ra u tama tari, i laun pas numugu, ma ke laun uniri, ma numur in nanpat melet tagun in labino tung ra katu tuktukino, ma in nan sur in iru. Ma a taro una rakrakon bual ra ka di tumus a risandet una buk na nilaun, turpasi ra o God i ukis a rakrakon bual, det in kisin ra det in tama a kuabor na wewegua ri. Uni i laun pas numugu, ma ke laun uniri, ma numur in nanpat melet.

Tamtama 19:20

Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa.

Tamtama 9:11

A ensel tagun in labino tung ra katu tuktukino, i ra anundet a king. Di watungi o Abadon una wasiso Ibru, ma o Apolion una wasiso Grik.