Luk 7:37 - Nupela Testamen long tokples Kandas

³⁷ Ma ara ino tagitiro una tamon ra, a tene sakino. Ra i sa tasmani lena, o Iesu kura i wangon una rumu anun a Parisi, i ruk namin nopolo sangsangnain ra kura unin nokoto ra di pami nama wat.

Luk 7:37 ပူးပေါင်းရင်းမြစ်များ

Matiu 21:31

Osi na pasander ra i mur a wasiso anun a tamander?” Det balu i lena, “A mugano.” O Iesu i watungi tandet lena, “A inanos mot nama lingmulus, a kum tene los takis ma a kum pamuk na ino, kuri det ruk mugu nanan tamot, una matanitu anun o God.

Luk 18:13

Ikut a tene los takis i tur gisen taru, ke tatado usapat netes una langit, uni i maimai. I raprapusi kut a romrobono nama tupunuk, ma i watungi lena, ‘God, un maris iau, a tene sakino iau.’

Luk 19:7

A taro rop det tama i, ra det ururai uni lena, “A musano ri i wan sur in kis tomo nama tene sakino una nun a rumu.”

Luk 5:30

Ikut a kum Parisi tomo nam anundet a kum tene ususer tagun a Warkurai, det pukus anun a kum nat na ususer ra det watungi lena, “Sur asau ra mot wangon ma mot inum tomo nama kum tene los takis ma a kum tene sakino?”

Luk 5:32

Ka wanpat sur an kabo pas a kum tene tokodos, awu! A wanpat sur an kabo pas a kum tene sakino sur det in nukpukus.”

Luk 7:34

A Nutun a Musano i wanpat, i wangon ma i inum, ra mot watungi uni lena, ‘Tama i, a musano ri a tene inangon ma a tene ininum, a pasan a kum tene los takis, ma a kum tene sakino.’

Luk 7:36

Ara Parisi i ben pas o Iesu sur det in nangon tomo. O Iesu i ruk una rumu anun a Parisi, ma i kis sur der in nangon.

A Wakak na Wasiso un o Iesu Karisito o Jon i tumusi 9:24

Det ben melet pas a musano ra di usus pasi, i sa pulu, ma det watungi tano lena, “Un liliman umatan o God ra anum a wasiso i lingmulus ut! Met tasmani lena a musano ra i utamtama pas ui, a tene sakino.”

A Wakak na Wasiso un o Iesu Karisito o Jon i tumusi 9:31

Dat sa tasmani lena o God ken longoro a niaring anun a kum tene sakino, in longoro det kut ra det pam a petutna ra i wakak umatan o God ma det ser mur anun a nemnem.

A Pas anun o Pol torom a taro Rom 5:8

Ikut o God i ese anun a marmaris torom dat una kisapi lenri: Ra dat laun utmakai una sakino petutna, o Karisito i mat sur dat.

1 Timoti 1:15

I wan pirso urin una rakrakon bual sur in ulaun a kum tene sakino. A wasiso ri i lingmulus sakit, ma dat in nurnur uni. Ma iau, a laulau sakit tan a kum tene sakino rop.

1 Timoti 1:9

Dat tasmani lena, a Warkurai awu sur di pitari sur a kum tene tokodos, awu. Di pitari kut sur a ngas na taro lenri: det ra det lakai a kum warkurai, a kum tene rosumur, det ra ka det mur a petutna ra i wakak umatan o God, a kum tene sakino, det ra det dur umatan o God, det ra ka det ser ru o God, det ra det um doko a taro, det ra det um doko a kum tamtaman det o a kum nanan det,

1 Pita 4:18

A Buk Tabu i watungi lenri, “In ngangitin ut torom a tokodos na taro sur din ulaun pas det. Ra in pepetlai torom a kum sakino taro ma det ra det rosumur gusun o God?” Snd 11:31