Luk 6:47 - Nupela Testamen long tokples Kandas

⁴⁷ Osi ra i wan torom iau ma i longoro anung a kum wasiso, ma i muri, i elar nama musano ra an inanos mot nami.

Luk 6:47 ပူးပေါင်းရင်းမြစ်များ

Matiu 12:50

Uni osi ra i ser mur a nemnem anun o Tita ra i kis sapat una langit, i ra o tising a musano, ma o tising a ino, ma o nang.”

Matiu 17:5

Ra i wasiso utmakai, a du bakut ra i talapor doko i pulus bat pas det. Ma in nalngan ara tagisapat una du bakut ra, i watungi lena, “Iri a Nutunglik, a nat na wakak, a gas doko nami. Mot in longoro i.”

Luk 11:28

O Iesu i balu i lena, “Ikut det ra det longoro a wasiso anun o God ma det muri, det dan sakit.”

Luk 14:26

“Ra taio i nem na mur iau, ma i nem doko o tamano, o nano, anun a ino, a kum nutnutunu, a kum tistisino ma anun a nilaun kai, ikut anun a marmaris torom iau ken labo taun anun a marmaris torom det ri, i awu sur anung a nat na ususer.

Luk 6:48

I elar nama musano ra i pam tar a rumu. I kil dordorong a kum tung, ma i utur tar a kum pos ina rumu netes una wat. A lomom i wanpat, ma i sal tiro na rumu, ikut ke gunu lar pasi, uni di sa pam wakak tari.

Luk 8:13

Ra a kum pitino ra det puku una nubual na watat, det elar nama taro ra det longoro a wasiso, ra det pam ukai i nama gasgas. Ikut kalako wakakorin det, anundet a nurnur ke tur suano i. Ra a kum larlar i wanpat torom det, det puku.

Luk 8:8

A ramano kum pitino kai det puku una wakak na piso. Det lubung pat ra det wu. Tektekene i wu ara mar na wino.” Ra i sa watung tar a kum wasiso ri tandet, i watungi lena, “Osi ra arin talngano kura, i wakak sur in longoro nami.”

A Wakak na Wasiso un o Iesu Karisito o Jon i tumusi 10:27

Anung a kum sipsip det ser longoro in nalngang. A tasman det, ma det ser mur iau.

A Wakak na Wasiso un o Iesu Karisito o Jon i tumusi 13:17

Ra mot tasman a kum utna ri, ma mot pami, mot in dan.

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

A Wakak na Wasiso un o Iesu Karisito o Jon i tumusi 5:40

Ikut, mot a kum te Juda, ka mot nem na wan torom iau sur mot in los a nilaun.

A Wakak na Wasiso un o Iesu Karisito o Jon i tumusi 6:35

O Iesu i balu det lena, “Iau ut a beret na nilaun. Osi ra in nan torom iau ken murak, ma osi ra in nurnur un iau ken muruk melet mo.

A Wakak na Wasiso un o Iesu Karisito o Jon i tumusi 6:37

Det rop ra o Tita i pitar tar det tang, det in nan torom iau, ma osi ra in nan torom iau kan lu ru i.

A Wakak na Wasiso un o Iesu Karisito o Jon i tumusi 8:52

A ramano kum te Juda det watungi tano lena, “Uniri met tasman mulus ui lena a laulau na nion kura un ui! O Abaram i sa mat, ma a kum poropet kai det sa mat, ikut ui, u watungi lena osi ra i mur anum a wasiso ken mat.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

Jems 4:17

O naro ra i tasman a wakakino sur in pami, ikut ke pami, i pam a sakino petutna.

1 Pita 2:4

Mot in nan torom a Labino, i a wat ra i laun. A taro det lakro ru tari, ikut o God i pilok pasi, ma i wakak doko umatano.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:7

A kum nutnutung liklik, gong mot madek tar taio sur in ben raro mot. Osi ra i pam a tokodos na magirano, i tokodos elar nam o Karisito.

Tamtama 22:14

“Det ra det gos anundet a kum malu, det dan, ma i tokodos sur det in nangon tagun in nanai na nilaun, ma det in ruk una matansako ina in noworo ina tamon ra.