Luk 6:37 - Nupela Testamen long tokples Kandas

³⁷ “Gong mot takun tar taio, sako o God in takun mot. Gong mot kuro tar taio sur in los a warkurai na minabalu, sako o God in kuro mot ra mot in los a warkurai na minabalu. Mot in dumano ru a kum sakino petutna ra a taro det pami un mot, ma o God in unus ru anumot a kum sakino petutna.

Luk 6:37 ပူးပေါင်းရင်းမြစ်များ

Matiu 18:30

Ikut ke longoro pasi. I beni kut ra i uruk tari una karabus, tuk una bung ra in balu tar a mani ra i los pasi.

Matiu 5:7

Det ra a kum tene marmaris, det dan, uni o God in maris det kai.

A Wakak na Wasiso un o Iesu Karisito o Mak i tumusi 11:25

“Ra mot tur ma mot wararing, ma mot nuk torom tu utna ra taio i pam sako tari un mot, mot in dumano ru i, sur a Tamamot kusapat una langit in unus ru anumot a kum sakino petutna kai.”

Luk 23:16

I mo ra an miras tatari kut, ra an palos ru i.”

Luk 6:36

Mot in lason una marmaris, elar nama Tamamot a tene marmaris.

Aposel 3:13

O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.

Epeses 4:32

Ikut, mot in pam a wakakino ma mot in nem etetalai mot. Ma ra taio tagun mot i pam a sakino torom mot, mot in dumano ru i, elar nami ra o God i pami un mot un o Karisito.

Kolosi 3:13

Ma gong mot balano sungun ra taio tagun mot i raro un lako kum utna, mot in dumano ru anun a sakino petutna, elar nama Labino i sa unus ru anumot a kum sakino petutna.

Jems 2:13

Uni, osi ra ke lason una marmaris, o God kai ken marisi una bung na warkurai. Ikut, o naro ra i lason una marmaris, o God in marisi una bung na warkurai.

Jems 5:9

A kum tistising, gong mot ururai etetalai, surko o God in warkurai mot. Tama i, a Tene Warkurai i sa tur nisan a matansako.