Luk 6:20 - Nupela Testamen long tokples Kandas

²⁰ O Iesu i tama anun a taro na ususer ra i watungi lena, “Mot ra mot sibo, mot dan, uni a matanitu anun o God, anumot!

Luk 6:20 ပူးပေါင်းရင်းမြစ်များ

Matiu 11:5

A kum pulu det sa tamtama, det ra a kikindet i mat det sa wan tokodos, a kum lepra det sa langolango, a kum kutkut det sa longoro, a kum minat det sa laun, ma di warawai nama Wakak na Wasiso torom a kum sibo na taro.

Matiu 25:34

A king in watungi tandet ra kura una papor sot na lamano lena, ‘Mot wan urin, mot ra o Tita i sa watung udan tar mot. Mot in rakon pas a matanitu di sa waninar tari sur anumot, tagun numnumugu utmakai una turturkibin ina rakrakon bual.

Matiu 5:1

O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi.

Luk 12:32

“A nat na kunur na sipsip, gong mot ngara, uni a Tamamot i sa gas sur in pitar tar a matanitu torom mot.

Luk 13:28

Ra mot in tama o Abaram, o Aisak ma o Jekop ma a kum poropet rop una matanitu anun o God, mot in tangtangis, ma mot in ungingit lokomot iai. Ikut din lu pirso ru mot.

Luk 14:15

Ara tagun det ra det wangon tomo nam o Iesu i longoro a kum wasiso ri, i watungi tano lena, “Det ra det in nangon una lukaro una matanitu anun o God, det dan.”

Luk 16:25

“O Abaram i balu i lena, ‘Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

2 Korin 6:10

Met tupunuk, ikut met ser gas una kum bung rop. Met sibo, ikut met warut a susut na taro sur anundet a susut na utna. Kalako utna anumet, ikut a kum utna rop anumet.

2 Korin 8:2

Det taramo a susut na mamaut, ikut anundet a gasgas i bukus. Ma una nundet a labino gasgas ma anundet a kinkinis na sibo, det gas ut sur det in etabor.

2 Korin 8:9

Uni mot tasman a marmaris anun anundat a Labino o Iesu Karisito. I ut i tadaru sakit nama susut na utna, ikut i wan gusun anun a wakak na kinkinis sapat netes una langit, uni i maris mot, ma i kis na sibo nin una rakrakon bual, sur mot, mot in tadaru nama wakak na nilaun.

1 Tesalonaika 1:6

Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot.

2 Tesalonaika 1:5

A kum utna rop ri, i upuaso i lena, a warkurai anun o God i tokodos. Mot taramo a ngunungut, uni mot ulabo anun a matanitu. I mo ra, o God in watung mot lena, mot tokodos sur anun a matanitu.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.

Jems 2:5

A kum wakak na tistising, mot in longoro iau: Pepetlai, ka mot tasmani lena, o God i pilok pas a kum sibo na taro nin upiso, sur det in tene gongon una nurnur? Det in rakon pas a matanitu ra o God i sa uliliman tari, sur in pitari tandet ra det nemi.

Tamtama 2:9

A tasman a kum ngunungut ra i monong mot, ma anumot a kinkinis na pot na marmaris, ikut mot a kum tene gongon mot! A tasman a kum du emang ra ara taro det watungi un mot. Det ra, det watungi lena, det a kum te Juda, ikut awu, det tagun o Satan.