Luk 5:24 - Nupela Testamen long tokples Kandas

²⁴ A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “A inanos ui, un katutur, un los anum a lu, ra un nan sur anum a rumu.”

Luk 5:24 ပူးပေါင်းရင်းမြစ်များ

Matiu 16:13

O Iesu i wanpat milau a tamon Sisaria Pilipai. Ra i ting anun a kum nat na ususer lena, “A taro det watung a Nutun a Musano nam osi?”

Matiu 25:31

“A Nutun a Musano in nanpat nama nun a minamar, tomo nama nun a kum ensel, ra in kis una nun a kiskis na king. A kiskis ra a labino minamarino.

Matiu 26:64

O Iesu i watungi tano lena, “I ut ra u sa watungi. Ma a watungi tamot lena, turpasi uniri, mot in tama a Nutun a Musano in kis una papor sot na laman o God, i ra i dekdek sakit, ma numur mot in tama i ra in nanpat una kum du bakut tagisapat una langit.”

Matiu 28:18

O Iesu i wan milau det, ma i watungi tandet lena, “O God i sa pitar rop tar a warkurai tang, sur an warkurai sur a kum utna rop sapat una langit ma nin kai upiso.

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.

Matiu 9:6

A wasiso ra an watungi, an watungi sur mot in tasmani lena, o God i pitar a warkurai torom a Nutun a Musano, sur in unus ru a kum sakino petutna nin upiso.” Ra i watungi torom a musano a pinino i mat lena, “Un katutur, un los anum a lu, ra un nan sur anum a rumu.”

Luk 5:13

O Iesu i kodos a lamano, ma i pam a pinino ra i watungi tano lena, “A nemi ut, un langolango.” Uniutra a lepra i rop gusuni.

Luk 5:18

A ramano kum musano det los pat ara musano a pinino i mat, i inep taru kut una lu. Det lari sur det in ruk nami, ma det in inep tari numugu nisan o Iesu.

Luk 5:23

Osi na wasiso ra ke ngangitin sur an watungi? Pepetlai, an watungi lena, ‘Di sa unus ru anum a kum sakino petutna,’ o, an lena, ‘Un katutur, ma un nan’?

Luk 7:14

I wan milau, ma i pam a lu ra di los a minat nami, ma a taro ra det los a minat det tur sikot. I watungi lena, “Barman, a watungi tam, un katutur.”

Luk 8:54

Ra o Iesu i pam a laman a inolik, ra i inanosi lena, “Nutunglik, un katutur.”

A Wakak na Wasiso un o Iesu Karisito o Jon i tumusi 11:43

I sa watung tari lenri, ra i kakabo namin labino walngano lena, “Lasarus, un pirso!”

A Wakak na Wasiso un o Iesu Karisito o Jon i tumusi 17:2

U pitar tar a dekdek tang sur an warkurai sur a taro rop, sur an pitar a nilaun tukum torom det rop ra u pitar tar det tang.

A Wakak na Wasiso un o Iesu Karisito o Jon i tumusi 3:13

Kataio i wan pas utmakai usapat netes una langit, a Nutun a Musano sot kut ra i wan pirso tagisapat netes una langit.

A Wakak na Wasiso un o Iesu Karisito o Jon i tumusi 5:27

O God i pitar tar a dekdek tano sur in warkurai a taro nami, uni, i a Nutun a Musano.

Aposel 14:10

Ra o Pol i wasiso toromi namin labino walngano lena, “Un katutur.” Ra a musano ra, i katutur lakit mut, ra i wan.

Aposel 5:31

I ut ra o God i ulabo pasi ma i ukisi una papor sot na lamano, sur in Labino Mugumugu ma in Tene Ulaun, ma in pam a kisapi sur a taro Israel det in nukpukus, ma din unus ru anundet a kum sakino petutna.

Aposel 9:34

Ra o Pita i watungi tano lena, “Ainias, o Iesu Karisito i sa ulangolango pas ui. Un katutur, ma un pul pas a bam.” Ra uniutra i katutur.

Aposel 9:40

O Pita i tulu pirso ru det rop gusun a kukur rumu ra, i kis butkeke, ma i wararing. I tupukus torom a ino ra i mat, ma i watungi lena, “Tabita, un katutur.” Ra o Tabita i tamtama pat, ma i tama o Pita, ra i kis mut.

Tamtama 1:13

Ma epotor tan a kum turtur na lam, a tama ara i “elar nama Nutun a Musano,” i emar namin walos na malu i walos pirso tuk ut una aru kikino, ma i ker a romrobono namin narus na gol.