Luk 24:48 - Nupela Testamen long tokples Kandas

⁴⁸ Mot a kum tene wasiso una kum utna ri mot sa tama tari.

Luk 24:48 ပူးပေါင်းရင်းမြစ်များ

A Wakak na Wasiso un o Iesu Karisito o Jon i tumusi 15:27

Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 10:39

“Ma met a kum tene wasiso puaso una kum utna rop ra met tama i, ra i ser pami una kum tamon anumet a taro Juda, ma sapat o Jerusalem kai. Di sak wati unin nanai kutus, ra i mat.

Aposel 10:41

Awu sur torom a taro rop, torom det kut ra o God i sa pilok mugu tar det sur det in tama i ma det in wasiso puaso uni. Met a taro ra, met wangon ma met inum tomo nami numur tan a katkatutur anunu gusun a minat.

Aposel 13:31

Ma una susut na bung i wanan pat torom a taro ra numugu det ser wan tomo nami tagitong o Galili usapat o Jerusalem. Ra uniri, det wasiso puaso uni torom a taro Israel.

Aposel 2:32

O Iesu ut ra, o God i ukatutur pasi gusun a minat, ma met rop met tama i, ra met wasiso talapor uni.

Aposel 22:15

Ma ui, un ser wasiso puaso torom a taro rop un asau ra u sa tama tari, ma u sa longoro tari kai.

Aposel 3:15

Ra mot um doko ru o Iesu, i ra a kibin a nilaun, ikut o God i ukatutur melet pasi gusun a minat. Ma met, met tama i ma met wasiso talapor uni.

Aposel 4:33

A kum aposel det wasiso nama dekdek, una nilaun melet anun a Labino o Iesu gusun a minat, ra det sa tama tari. Ra a labino marmaris anun o God i kis un det rop.

Aposel 5:32

Met tama a kum utna ri ma met wasiso uni, ma a Tokodos na Nion i ulingmulus anumet a wasiso. A Tokodos na Nion, i a etabor anun o God torom det ra det ser mur anun a wasiso.”

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.