Luk 24:39 - Nupela Testamen long tokples Kandas

³⁹ Mot in tama aru lamang ma aru kiking. Iau mulus ut ri. Mot in tuk iau, ma mot in tama iau. A nion kalako pinino, ma kalako sursur kai. Ikut a pining ut ma a sursur na pining utkai, ra uniri mot tama i.”

Luk 24:39 ပူးပေါင်းရင်းမြစ်များ

Luk 23:46

Ra o Iesu i kukuk dekdek lena, “Tita, a pitar tar a niong un aru lamam.” Ra i sa watung tari lenri, i mat.

Luk 24:38

Ma i watungi tandet lena, “Ilai ra mot ngara? Ma ilai ra mot wur nuknuk?

Luk 24:40

Ra i sa watung tari lenri, i ese aru lamano ma aru kikino tandet.

A Wakak na Wasiso un o Iesu Karisito o Jon i tumusi 20:20

Ra i sa watung tari lenri, i ese aru lamano ma a paporino tandet. A kum nat na ususer det gas doko, ra det tama a Labino.

A Wakak na Wasiso un o Iesu Karisito o Jon i tumusi 20:25

I mo ra a kum nat na ususer det inanosi lena, “Met sa tama tar a Labino!” O Tomas i watungi kut tandet lena, “Ra kan tama a kinan a nil una aru lamano, ma kan uruk in kaskas na lamang uni, ma ra kan uruk a lamang una kinan a bele una paporino, iau kan nurnur.”

A Wakak na Wasiso un o Iesu Karisito o Jon i tumusi 20:27

Numur i watungi tan o Tomas lena, “Uruk in kaskas na lamam nin, ma un tama aru lamang. Tulsu a lamam urin, ma un uruki una paporing. Ra gong mo u wur nuknuk, un nurnur kut.”

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

Ibru 12:9

A kum tamtaman dat taginin upiso det ukodos dat, ma dat ru det una nundet a kum etowo torom dat. Ra dat pami lenra, i lingmulus sakit sur dat in mur a etowo ra a Taman a kum niondat i ukodos dat nami, ma dat in laun.

1 Jon 1:1

Met wasiso talapor un o naro ra i a Wasiso na nilaun, i laun tagun numugu ut, ra kabaut di ukis a rakrakon bual. Met sa longoro tari, met sa tama tari nama matmata met, ma met sa pam tari ut a pinino.