Luk 24:30 - Nupela Testamen long tokples Kandas

³⁰ Ra detul kis sur detul in nangon, o Iesu i los pas a beret, i watung wakak pas uni, i tibik pasi, ma i tabor der nami.

Luk 24:30 ပူးပေါင်းရင်းမြစ်များ

Matiu 14:19

Ra i itula sur a kunur na taro det in kis una wuliso. I los pas a limanin beret ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer. Ra det tibo a kunur na taro nami.

Matiu 15:36

I los pas a wonom mawit nin beret ma a kabanin kiripo ra, i watung wakak pas uni torom o God, i tibiki ma i pitari torom a kum nat na ususer sur det in tabor a taro nami.

Matiu 26:26

Det wangon utmakai, ra o Iesu i los pas a beret, i watung wakak pas uni, i tibiki, ma i tabor anun a kum nat na ususer nami, ra i watungi lena, “Mot in rakoni ma mot in nani. Iri a pining.”

A Wakak na Wasiso un o Iesu Karisito o Mak i tumusi 14:22

Det wangon utmakai, ra o Iesu i los pas a beret, i watung wakak pas uni, i tibiki, ma i tabor anun a kum nat na ususer nami, ra i watungi lena, “Mot in rakoni, iri a pining.”

A Wakak na Wasiso un o Iesu Karisito o Mak i tumusi 6:41

Ra o Iesu i los pas a limanin beret, ma arin kiripo, i tamtama usapat una langit, i watung wakak pas torom o God uni, i tibik a limanin beret, ra i pitari tan anun a kum nat na ususer sur det in tibo a taro nami. I tibo det rop kai nam arin kiripo.

A Wakak na Wasiso un o Iesu Karisito o Mak i tumusi 8:6

O Iesu i inanos a taro rop sur det in kis. I los pas a wonom mawit nin beret, i watung wakak pas uni torom o God, i tibiki ma i pitari torom anun a kum nat na ususer sur det in tabor a taro nami. Ra det pami lenutra.

Luk 22:19

Ra i los pas a beret, i watung wakak pas uni, i tibiki, ma i tabor det nami, ra i watungi lena, “Iri a pining, a pitari sur mot. Mot in ser pami lenri, sur mot in ser nuk melet pas iau.”

Luk 24:29

Ma der turbat dekdeki lena, “Un kis tomo nam mir, uni i sa lirop. In matanas i ling na sup mo.” Ra detul ruk ma i kis tomo nam der.

Luk 24:35

Ra der inanos un asau ra i wanpat torom der una kisapi, ma una nunder a tamtama lele kai uni, ra i tibik a beret.

Luk 9:16

O Iesu i los pas a limanin beret ma arin kiripo, i tamtama usapat una langit, i watung wakak pas torom o God uni, i tibiki ra i pitari tan a kum nat na ususer, sur det in tibo a taro nami.

A Wakak na Wasiso un o Iesu Karisito o Jon i tumusi 6:11

O Iesu i los pas a limanin beret, i watung wakak pas torom o God uni, ma i tibo a taro nami, ra det kis tiro iai. I tibo det kai nam arin kiripo, elar nam anundet a nemnem.

Aposel 2:42

Ma det pitar tar anundet a nilaun una etowo anun a kum aposel, una kinkinis tomo nama marmaris, ma una inangon tomo, ma una niaring.

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Aposel 27:35

Ra o Pol i sa watung tari lenri, i los pas a beret, i watung wakak pas uni torom o God umatandet rop, i tibiki, ra i wangon.