Luk 22:30 - Nupela Testamen long tokples Kandas

³⁰ sur mot in nangon ma mot in inum una nung a kabulu una nung a matanitu. Ma mot in kis una kum kiskis na king, ra mot in warkurai sur a noino ma aru kabotaro Israel.”

Luk 22:30 ပူးပေါင်းရင်းမြစ်များ

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

Matiu 8:11

A watungi tamot lena kura numur a susut na taro det in nan tagitiro na matmatano tobar ma a matmatano lubur, ra det in kis tomo nam o Abaram, o Aisak ma o Jekop una lukaro una matanitu sapat una langit.

Luk 12:37

Ra a labino in nanpat, ma anun a kum tultul det sa waninar, det dan. A inanos mot nama lingmulus, in emar pas sur in pam anun a pinapam, ma in ukis tar det nisan a kabulu na inangon ma in tabor det.

Luk 14:15

Ara tagun det ra det wangon tomo nam o Iesu i longoro a kum wasiso ri, i watungi tano lena, “Det ra det in nangon una lukaro una matanitu anun o God, det dan.”

2 Timoti 2:12

Ra dat in taramo a ngunungut tomo nami, dat in warkurai tomo utkai nami una nun a matanitu. Ra dat in ipul ru i, i kai in ipul ru dat kut.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.

Tamtama 19:9

Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

Tamtama 3:21

Osi ra i winim pas a inaim, an mulaot pasi sur mir in kis tomo una nung a kiskis na king, elar nam iau a winim pas a inaim, ma a kis tomo nam o Tita una nun a kiskis na king.

Tamtama 4:4

Ma aru noino ma wat na kiskis na king det tur talilis a kiskis na king, ma a ru noino ma wat na mugumugu kura det kis taru un det. Det emar nama kum kabang na malu, ma una kum lorindet, det ubek a kum kukup na king ra di pami nama gol.